قىتاي اكسيالارى كۇرت اۋىتقۋلار جاعدايىندا بەس جىلداعى ەڭ تومەنگى دەڭگەيگە جەتتى
استانا. KAZINFORM - قىتاي باعالى قاعازدار نارىعىن رەتتەۋشى ورگان ەلدەگى اكسيالار سوڭعى بەس جىلداعى ەڭ تومەنگى دەڭگەيگە تۇسكەننەن كەيىن نارىقتاعى قالىپتان تىس اۋىتقۋلاردىڭ الدىن الۋعا ۋادە بەردى.
شاڭحاي مەن شىنجىندەگى اكسيالار ۇلكەن شىعىن مەن شاعىن تابىس اراسىندا اۋىتقىپ تۇردى.
نارىق جىلجىمايتىن مۇلىك اكتسيالارىنىڭ جاپپاي ساتىلۋىنا بايلانىستى قۇلدىراپ جاتىر.
جەكسەنبىدە قىتايدىڭ باعالى قاعازداردى رەتتەۋ كوميسسياسى نارىقتى تۇراقتاندىرۋعا ارنالعان وتىرىس وتكىزدى. ونىڭ ۆەب- سايتىندا ساۋدا كولەمىنىڭ جارتىسىنان كوبىن قۇرايتىن جەكە ينۆەستورلاردى سەندىرۋ ءۇشىن حابارلاما پايدا بولدى. جوعارعى حالىق پروكۋراتۋراسى ينۆەستورلار قۇقىعىن قورعاۋ تۋرالى مالىمدەمە جاسادى.
بۇل رەتتە نارىق باقىلاۋشىلارى ءىرى ينستيتۋتسيونالدىق ينۆەستورلاردىڭ مەملەكەتتىك بانكتەردى ساتىپ الۋىنىڭ بەلگىلەرى بارىن ايتتى.
