قىتاي 2030-جىلعا قاراي جاڭارتىلاتىن ەنەرگيانى تۇتىنۋدى 1,5 ميلليارد توننا كومىر ەكۆيۆالەنتىنە دەيىن ارتتىرادى
بەيجىڭ. KAZINFORM - قىتاي بيلىگى جاڭارتىلاتىن ەنەرگيا كوزدەرىن (ج ە ك) كولىكتە، ونەركاسىپ وندىرىسىندە جانە اۋىل شارۋاشىلىعىندا پايدالانۋدى كەڭەيتپەك، دەپ حابارلايدى Kazinform مەنشىكتى ءتىلشىسى.
سارسەنبىدە ق ح ر دامۋ جانە رەفورمالار ىستەرى جونىندەگى مەملەكەتتىك كوميتەت جاريالاعان ج ە ك پايدالانۋ تۋرالى قۇجاتتا اتاپ وتىلگەندەي، قىتايداعى جاڭارتىلاتىن ەنەرگيانى تۇتىنۋ كولەمى 2025-جىلى 1,1 ميلليارد توننا كومىر ەكۆيۆالەنتىنەن، ال 2030-جىلعا قاراي - 1,5 ميلليارد توننادان اسۋى كەرەك.
كوميتەت نەگىزگى سالالارداعى «جاسىل» ەنەرگيانى تۇتىنۋمەن جاڭارتىلاتىن ەنەرگيانى جەتكىزۋدى تەڭەستىرۋدى جانە ءداستۇرلى قازبا وتىندارىن جاڭارتىلاتىن ەنەرگيامەن جۇيەلى تۇردە اۋىستىرۋعا ىقپال ەتۋدى ۇسىنىپ وتىر.
سونىمەن قاتار، قۇجاتتا قىتايدىڭ «ءبىر بەلدەۋ، ءبىر جول» باستاماسىنا قاتىسۋشى ەلدەرمەن جاسىل ەنەرگەتيكا سالاسىنداعى حالىقارالىق پراكتيكالىق ىنتىماقتاستىقتى تەرەڭدەتۋدى جوسپارلاپ وتىرعانى اتاپ وتىلگەن.
2023-جىلدىڭ ءبىرىنشى جارتىجىلدىعىنداعى جاعداي بويىنشا، قىتايداعى ج ە ك جالپى قۋاتى 1,32 ميلليارد ك ۆ ت- قا جەتىپ، العاش رەت كومىر ەنەرگەتيكاسى سەكتورى كورسەتكىشىنەن اسىپ ءتۇستى.
جالپى ەنەرگيا تۇتىنۋداعى قازبالى ەمەس ەنەرگيا كوزدەرىنىڭ ۇلەسى 2012-جىلعى %9,7 دان 2022-جىلى %17,5 عا دەيىن ءوستى.
