قىسقى وليمپيادا 2030 -جىلى فرانسيادا، 2034 -جىلى ا ق ش-تا وتەدى
استانا. قازاقپارات - 2030 -جىلعى قىسقى وليمپيادا ويىندارى فرانسيانىڭ الپىسىندە وتەدى. بۇل شەشىم حالىقارالىق وليمپيادا كوميتەتىنىڭ پاريجدە وتكەن 42-سەسسياسىندا ءمالىم بولدى.
بۇل شەشىمگە 84 دەلەگات قولداۋ بىلدىرسە، 7 ى قالىس قالىپ، 4 ى قارسىلىق ءبىلدىردى.
حالىقارالىق وليمپيادا كوميتەتىنىڭ باسشىسى توماس باح فرانسيا پرەزيدەنتى ەممانۋەل ماكرون مەن باسقا دا قىزىعۋشىلىق تانىتقان ازاماتتار 2030 -جىلعى وليمپيادا ويىندارىن قابىلداۋعا دايىن ەكەندىگىن جەتكىزگەنىن اتاپ ءوتتى. ح و ك فرانسيانىڭ عالامات وليمپيادا وتكىزەتىنىنە سەنەتىنىنە توقتالدى.
قىسقى وليمپيادا 2030 -جىلدىڭ 8-24-اقپانى ارالىعىندا وتكىزىلەدى دەپ جوسپارلانىپ وتىر.
ەندىگى كەزەكتە ح و ك تالاپتارىنا سايكەس، فرانسيا ۇكىمەتى وليمپيادانى وتكىزۋگە كەپىلدىك بەرۋى تالاپ ەتىلەدى. وعان قوسا ءۇش ءالپى ايماعىنىڭ بيلىگىمەن - ەۆيان، رونا-ءالپى جانە پروۆانس-ءالپى جارىستاردى ۇيىمداستىرۋ تۋرالى كەلىسىم جاساسۋ مىندەتتەلدى.
ح و ك سەسسياسىنا قاتىسقان فرانسيا پرەزيدەنتى ەممانۋەل ماكرون بارلىق مىندەتتەمە جۇزەگە اساتىنىنا ۋادە بەردى.
وسىلايشا فرانسيا ءوز تاريحىندا ءتورتىنشى رەت قىسقى وليمپيادا ويىندارىن وتكىزۋگە مۇمكىندىك الىپ وتىر. بۇعان دەيىنگى ويىندار 1924 -جىلى شامونيدە، 1968 -جىلى گرەنوبلدە جانە 1992 -جىلى البەرتۆيلدە وتكەن ەدى.
سونداي-اق 2034 -جىلعى ويىندار ا ق ش-تىڭ سولت-لەيك-سيتيدە قالاسىندا وتەدى.
ايتا كەتسەك، 2026 -جىلعى وليمپيادا ويىندارى يتاليانىڭ ميلان جانە كورتينا-د’امپەسسو قالالارىندا وتەدى.
اۆتور
ءادىلجان ۇمبەت
