قىسقى ازيا ويىندارى: حوككەيدەن قازاقستان ەرلەر قۇراماسى قىتايدى ءىرى ەسەپپەن جەڭدى
حاربين. KAZINFORM - حوككەيدەن قازاقستان ەرلەر قۇراماسى قىتايدىڭ حاربين قالاسىندا ءوتىپ جاتقان IX قىسقى ازيا ويىندارىندا ەكىنشى جەڭىسىنە قول جەتكىزدى.
توپتىق كەزەڭنىڭ ەكىنشى ماتچىندا، ا توبىندا سىنعا ءتۇسىپ جاتقان قازاقستاندىقتار جارىس قوجايىنى قىتايمەن كەزدەستى.
قازاقستان قۇراماسى 42 سەكۋندتا ەسەپ اشتى. دميتري برەۋس (قورعاۋشى) كوماندالاسى كيريلل ساۆيتسكيدىڭ پاسىن گولعا اينالدىردى. وسىدان كەيىن، دميتري گرەنتس جانە رومان ستارچەنكو قارسىلاس قاقپاسىنا گول سوعىپ، ەسەپتى 3:0 گە جەتكىزدى.
ەكىنشى كەزەڭدە، قازاقستان قۇراماسى ەۆگەني رىماريەۆتىڭ 1 گولىمەن شەكتەلدى. سوڭعى كەزەڭدە، وتانداستارىمىز شابۋىلدى كۇشەيتە ءتۇستى. ۆياچەسلاۆ كولەسنيكوۆتىڭ الىستان باعىتتاعان سوققىسى گول بولدى.
ويىننىڭ 54-مينۋتىندا، تەميرلان گايتاميروۆ پەن الەكساندر بوريسيەۆيچ ەرەجە بۇزعانى ءۇشىن 2 مينۋتقا الاڭنان شەتتەتىلدى. وسى مۇمكىندىكتى پايدالانعان قىتاي قۇراماسىنىڭ شابۋىلشىسى چجان پەنفەي قازاقستان قۇراماسىنىڭ قاقپاسىنا گول سوعىپ كەتتى. قورتىندى ەسەپ 6:1.
ايتا كەتەرلىگى، بۇل قازاقستان قۇراماسىنىڭ توپتىق كەزەڭدەگى ەكىنشى جەڭىسى. وسىعان دەيىن، وتانداستارىمىز تايلاندتى 12:0 ەسەبىمەن تىزە بۇكتىرگەن ەدى.
