قۋىرىلعان فري كارتوبى اقىل-ەس كەمدىگىنە ۇشىراتۋى مۇمكىن - زەرتتەۋ
ا ق ش ۇلتتىق دەنساۋلىق ساقتاۋ ينستيتۋتىنىڭ مالىمەتىنە سۇيەنسەك، ءار 4 امەريكالىق ەرەسەكتىڭ 1 ەۋى كۇن سايىن فاست-فۋد مەيرامحانالارىنان تاماقتانادى.
قۋىرىلعان فري كارتوبى اقىل-ەس كەمدىگىنە ۇشىراتۋى مۇمكىن. زەرتتەۋشىلەردىڭ تۇجىرىمىنشا، بىرنەشە رەت پايدالانىلعان مايعا قۋىرىلعان تاعامنىڭ قۇرامىندا زياندى قوسپالار تۇزىلەدى. ول ميعا، تامىرعا زيان كەلتىرەدى جانە ويلاۋدى تەجەيدى. بۇل تۋرالى newsweek.com جازدى.
ا ق ش ۇلتتىق دەنساۋلىق ساقتاۋ ينستيتۋتىنىڭ مالىمەتىنە سۇيەنسەك، ءار 4 امەريكالىق ەرەسەكتىڭ 1-ەۋى كۇن سايىن فاست- فۋد مەيرامحانالارىنان تاماقتانادى.
فاست فۋد دايىنداۋعا ماي كوپ كەتەتىنىنە بايلانىستى جانە تاماق قالدىقتارىن ازايتۋ ءۇشىن مەيرامحانالار مەن ازىق-تۇلىك ساتۋشىلار ادەتتە قۋىرىلعان مايدى قايتا پايدالانادى. دەگەنمەن، جاڭا زەرتتەۋلەرگە سايكەس، بۇل مايدىڭ كوپتەگەن تابيعي انتيوكسيدانتتارى مەن پايدالى قاسيەتىن جويىپ قانا قويماي، ونىڭ قۇرامىنداعى اكريلاميد، ترانس مايلار جانە پەروكسيدتەر سياقتى زياندى قوسىلىستاردىڭ مولشەرىن ارتتىرۋى مۇمكىن.
بۇل زياندى قوسىلىستار ءتۇرلى قاتەرلى ىسىك پەن مەتابوليكالىق اۋىتقۋلاردىڭ پايدا بولۋ قاۋپىن عانا ەمەس، سونىمەن قاتار نەيرودەگەنەراتسيا قاۋپىن ارتتىرۋى مۇمكىن.
