قىرعىزستاندا TikTok-تى بۇعاتتان شىعارۋ ۇسىنىلدى

استانا. KAZINFORM - جوگوركۋ كەنەش وتىرىسىندا دەپۋتاتتار قىرعىزستان ۇكىمەتىنە TikTok-تى بۇعاتتان شىعارىپ، ەلدە ونىڭ وكىلدىگىن اشۋ ۇسىنىسىن جاسادى، دەپ حابارلايدى Kazinform ءتىلشىسى.

TikTok телефон тик ток
Фото: pixabay

دەپۋتات مارلەن ماماتالييەۆتىڭ ايتۋىنشا، ەلدەگى كىشكەنتاي بالادان باستاپ ەرەسەكتەرگە دەيىن VPN قىزمەتىن پايدالانا وتىرىپ، TikTok الەۋمەتتىك جەلىسىن ەش قيىندىقسىز پايدالانىپ كەلەدى.

- ءبىز قىزمەتكە تىيىم سالعانىمىزبەن، ءىس جۇزىندە ول جۇمىس ىستەپ تۇر. ەلىمىزدە ونىڭ وكىلدىگىن اشۋ قاجەت. ورتالىق ازياداعى TikTok ديرەكتورى قىرعىزستاندا كەڭسە اشۋعا جانە بارلىق سيگنالدار بويىنشا قۇقىق قورعاۋ ورگاندارىمەن جۇمىس ىستەۋگە، دەسترۋكتيۆتى كۇشتەردىڭ ورنالاسقان جەرىن انىقتاۋعا كومەكتەسۋگە جانە قاجەت بولعان جاعدايدا ولارعا توسقاۋىل قويۋعا دايىن. ءتيىستى ورگانداردىڭ وسى ۇسىنىستى قاراۋىن سۇرايمىن، - دەدى ول.

دەپۋتات داستان بەكەشيەۆ ارىپتەسىنىڭ TikTok-تى بلوكتان شىعارۋ قاجەتتىگى تۋرالى ۇسىنىسىن قولدادى.

- بۇل ءبىزدىڭ كاسىپكەرلەر ءۇشىن جاقسى جارناما الاڭى. TikTok كومەگىمەن تۋريستەرگە تاماشا جەرلەرىمىزدى كورسەتۋگە بولادى، دەپ اتاپ ءوتتى دەپۋتات مينيسترلەر كابينەتىنەن قىزمەتكە توسقاۋىل قويۋدى الىپ تاستاۋدى سۇراپ.

بۇعان دەيىن قىرعىزستاندا TikTok-قا شەكتەۋ قويىلعانىن جازعان بولاتىنبىز.

سوڭعى جاڭالىقتار