قىرعىزستان «تاليباندى» تىيىم سالىنعان ۇيىمدار تىزىمىنەن الىپ تاستادى

استانا. KAZINFORM - قىرعىزستان «تاليبان» قوزعالىسىن تىيىم سالىنعان ۇيىمدار تىزىمىنەن الىپ تاستادى. بۇل تۋرالى قىرعىزستان سىرتقى ىستەر مينيسترلىگى حابار تاراتتى.

«ەلدىڭ قۇزىرلى مەملەكەتتىك ورگاندارى مۇقيات قاراپ، جان-جاقتى باعالاۋ جۇرگىزگەننەن كەيىن «تاليبان» قوزعالىسىن قىرعىزستاندا تىيىم سالىنعان ۇيىمدار تىزىمىنەن شىعارۋ تۋرالى شەشىم قابىلداندى»، - دەپ حابارلادى ەلدىڭ سىرتقى ىستەر مينيسترلىگى.

اتاپ وتكەندەي، بۇل شەشىم وڭىرلىك تۇراقتىلىقتى نىعايتۋعا جانە ديالوگتى قولداۋعا باعىتتالعان.

«قىرعىزستان اۋعانستاندا جانە تۇتاستاي العاندا ايماقتا تۇراقتى جانە بەيبىت ورتانى قامتاماسىز ەتۋگە باعىتتالعان حالىقارالىق قاۋىمداستىقتىڭ كۇش-جىگەرىن قولداۋعا دايىن»، - دەلىنگەن ۆەدومستۆو حابارلاماسىندا.

وسىعان دەيىن قازاقستاننىڭ «تاليباندى» ەلدە تىيىم سالىنعان ۇيىمدار تىزىمىنەن شىعارعانى تۋرالى جازدىق.