قىرعىزستان پرەزيدەنتى سادىر جاپاروۆ حالىقتان كەشىرىم سۇرادى

Садыр Жапаров
Фото: Акорда

استانا. KAZINFORM - قىرعىزستان پرەزيدەنتى سادىر جاپاروۆ جيەن قارىنداسى ءۇشىن بارشا حالىقتان كەشىرىم سۇرادى، دەپ حابارلايدى El.kz اقپارات اگەنتتىگى.

الەۋمەتتىك جەلىدە سادىر جاپاروۆتىڭ قارىنداسى لاززات نۇرقوجايەۆاعا سۇيىكتىسى ءسوز سالعان ۆيدەو جاريالاندى.

24-ماۋسىم كۇنى ورۋۋ-ساي شاتقالىندا پرەزيدەنتتىڭ جيەن قارىنداسىنا تۇرمىسقا شىعۋ تۋرالى ۇسىنىس جاسالعان. ول جەرگە پرەزيدەنتتىڭ جيەنى سۇيىكتىسىمەن توتەنشە جاعدايلار مينيسترلىگىنىڭ تىكۇشاعىمەن ۇشقان. اتالمىش وقيعا قىرعىز حالقىنىڭ نارازىلىعىن تۋدىردى.

ەل باسشىلارىنىڭ تۋىستارى مەن جاقىندارى باسقالارعا ۇلگى بولۋى كەرەك، اركىمنىڭ تىكۇشاق جالداۋعا مۇمكىندىگى بولا بەرمەيدى. بۇل ءۇشىن ت ج م تىكۇشاقتارى ساتىپ الىندى ما؟ پرەزيدەنت ىسىراپشىلدىقتى توقتاتۋ كەرەكتىگىن ايتتى، - دەپ جازدى الەۋمەتتىك جەلى قولدانۋشىلارى.

سادىر جاپاروۆ «كابارعا» بەرگەن سۇحباتىندا وقيعاعا قاتىستى پىكىر ءبىلدىردى.

راسىندا ەل بيلىگىنىڭ تۋىستارى وزگەلەرگە ۇلگى بولۋى ءتيىس. ىسىراپشىلدىقتى قويۋ كەرەگىن بىرنەشە رەت ايتقان بولاتىنمىن. تىم بولماسا بولاشاق كۇيەۋ بالامىز مەنى دە، ءوزىن دە قيىن جاعدايعا تۇسىرمەس بۇرىن بۇل ويدى قولداۋى كەرەك ەدى. مەنىڭ ويىمشا، ول جاستىق بىلمەستىكپەن جاسادى، - دەيدى پرەزيدەنت.

سوڭعى جاڭالىقتار