قىرعىزستان مەملەكەتتىك قىزمەتكەرلەر اراسىندا «تازالاۋ» جۇرگىزبەك
قىرعىز رەسپۋبليكاسى مەملەكەتتىك ۇلتتىق قاۋىپسىزدىك كوميتەتىنىڭ باسشىسى قامشىبەك تاشيەۆ مەملەكەتكە پايدا اكەلمەيتىن شەنەۋنىكتەردىڭ قىلمىستىق جاۋاپكەرشىلىككە تارتىلاتىنىن مالىمدەدى.
Kazinform اگەنتتىگى بۇل تۋرالى كابار اقپارات اگەنتتىگىنە سىلتەمە جاساپ حابارلايدى.
«ءبىز مەملەكەتتىك قىزمەتكەرلەر اراسىندا تازارتۋدى باستاۋىمىز كەرەك»، - دەدى قىرعىزستاننىڭ م ۇ ق ك باسشىسى قامشىبەك تاشيەۆ.
ونىڭ ايتۋىنشا، اۋداندىق، وبلىستىق ۆەدومستۆولار مەن مينيسترلىكتەردە مەملەكەتكە پايدا اكەلمەيتىن، سولارعا زيانىن تيگىزەتىن قىزمەتكەرلەر بار.
«ءبىز ولاردان ءوزىمىزدى تازارتۋىمىز كەرەك. ولاردى قىزمەتتەن بوساتىپ قانا قويماي، قىلمىستىق جاۋاپكەرشىلىككە تارتۋ كەرەك»، - دەدى ول.
قامشىبەك تاشييەۆ الداعى ۋاقىتتا شەنەۋنىكتەردىڭ زاڭ بۇزىپ، مەملەكەتكە زيانىن تيگىزبەۋى كەرەكتىگىن اتاپ ءوتتى.
وسىعان دەيىن بىشكەكتە ارنايى وپەراتسيا كەزىندە قامشى كولبايەۆتىڭ قازا تاپقانىن جازعان ەدىك.
قىرعىزستاندا مەملەكەتتىك كەدەن قىزمەتىنىڭ 50 گە جۋىق قىزمەتكەرى مارقۇم بولعان قىلمىس الەمىنىڭ سەركەسى قامشى كولبايەۆپەن تىعىز بايلانىستا بولعانى ءۇشىن جۇمىستان شىعارىلدى.
