قوڭىر ايۋ مەن سىلەۋسىن دە بار. كەلەسى جىلى اۋلاناتىن كيىك سانى بەلگىلى بولدى
«اشىق ن ق ا» پورتالىندا ورمان شارۋاشىلىعى جانە جانۋارلار دۇنيەسى كوميتەتىنىڭ 2024 -جىلى اۋلاناتىن اڭداردىڭ ليميتى تۋرالى بۇيرىق جوباسى قوعام تالقىلاۋىنا شىعارىلدى، دەپ حابارلايدى Kazinform.
بۇيرىقپەن بىرگە بەرىلگەن قوسىمشادا كەلەر جىلى اۋلاناتىن كيىكتەر تۋرالى اقپارات ەكى كەستەدە كورىنىس تاپقان.
ءبىرىنشى كەستەنىڭ اتاۋى - 2024 -جىلعى 15-اقپاننان باستاپ 2025 -جىلعى 15-اقپاندى قوسا العانداعى كەزەڭگە اڭ اۋلاۋ وبەكتىلەرى سانالاتىن جانۋارلار تۇرلەرىن الىپ قويۋ ليميتى. دەگەنمەن، كەستەگە بەرىلگەن ەسكەرتۋدە تىزىمدەگى كيىكتىڭ ءبارى تەك عىلىمي ماقساتتا عانا اۋلاناتىنى ايتىلعان.
بۇل كەستەدە ءبىر جىلدىڭ ىشىندە ۇزىن سانى 5350 كيىك اۋلاناتىنى ايتىلعان. ونىڭ ىشىندە اقمولا وبلىسىندا - 280، اقتوبە وبلىسىندا - 90، باتىس قازاقستاندا - 1100، قاراعاندى وبلىسىندا - 1280، قوستاناي وبلىسىندا - 1230، ۇلىتاۋ وبلىسىندا - 1530 اۋلانباق.
«عىلىمي ماقساتتاردا الىپ قويۋ كۆوتالارى» دەيتىن ەكىنشى كەستەدە تاعى 800 كيىك اۋلاناتىنى ايتىلعان. اڭ اۋلاۋ وبەكتىسى رەتىندە اتىلاتىن اڭداردىڭ ىشىندە 176 قوڭىر ايۋ مەن 157 سىلەۋسىن دە بار.
