19:59, 04 - اقپان 2025 | GMT +5
قوسشىلىق ايەل «قىتايدان تاۋار الدىرىپ بەرەمىن» دەپ جۇرتتى 67 ميلليون تەڭگە شىعىنعا باتىردى
استانا. KAZINFORM - اقمولا وبلىسى قوسشى قالاسىندا ايەل جەرگىلىكتى تۇرعىنداردى الداعان.

استانا جانە قوسشى قالالارىنىڭ اۋماعىندا تۇراتىن ايەل قىتايدان ارزان تاۋارلاردى (تۇتىنۋ تاۋارلارىن) جەتكىزەمىن دەگەن سىلتاۋمەن 33 ازاماتتىڭ 67 ميلليون تەڭگەدەن اسا قاراجاتىن يەمدەنگەن.
ايەل 2023-جىلعى قىركۇيەكتە كوپقاباتتى ۇيلەردىڭ تۇرعىندارى اراسىندا WhatsApp مەسسەندجەرىندە توپتار قۇرىپ، تاۋارلاردى نارىقتاعى تومەن باعامەن جارنامالاعان.
«قاراجاتتى العاننان كەيىن ول ءوز مىندەتتەرىن ورىنداماي، العان اقشاسىن ءوز قاجەتىنە جۇمساعان»، - دەپ جازىلعان مالىمەتتە.
قوسشى قالالىق سوتىنىڭ ۇكىمىمەن ايەل 6 جىلعا باس بوستاندىعىنان ايىرىلدى.
ۇكىم زاڭدى كۇشىنە ەندى.