قوردا 103,4 ميلليارد تەڭگە بار: قايتارىلعان اكتيۆتەر قالاي جۇمسالادى
استانا. قازاقپارات - 2025-جىلدىڭ 27-ماۋسىمىندا ارناۋلى مەملەكەتتىك قوردا جيناقتالعان اقشا 103,4 ميلليارد تەڭگەگە جەتتى. بۇل تۋرالى قارجى مينيسترلىگىنىڭ باسپا ءسوز قىزمەتى حابارلادى.
قازاقستاننان زاڭسىز جولمەن شىعارىلعان اكتيۆتەردى مەملەكەت مەنشىگىنە قايتارۋ ماقساتىندا 2023-جىلدىڭ 12-شىلدەسىندە «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ قابىلداندى. ونىڭ ەرەجەلەرىن ىسكە اسىرۋ ءۇشىن باسقارۋشى كومپانيا - «قايتارىلعان اكتيۆتەردى باسقارۋ كومپانياسى» ج ش س قۇرىلىپ، وعان مەملەكەتتىڭ ەنشىسىندەگى اكتيۆتەردى قابىلداۋ، ساقتاۋ جانە ساتۋ مىندەتتەرى جۇكتەلدى.
- اتالعان قاراجات ارناۋلى مەملەكەتتىك قورعا تىكەلەي اۋدارىلادى. قالعان اكتيۆتەر (جىلجىمايتىن مۇلىك، كولىك جانە ت. ب.) ق ا ب ك باسقارۋىنا ءوتىپ، ساتۋعا قويىلادى. 2025-جىلدىڭ 27-ماۋسىمىندا ارناۋلى مەملەكەتتىك قوردا جيناقتالعان اقشا 103,4 ميلليارد تەڭگەگە جەتتى. بۇل رەتتە جيىنتىق تۇسىمدەردىڭ كولەمى 433,3 ميلليارد تەڭگەگە، ال شىعىستاردىڭ سوماسى 329,9 ميلليارد تەڭگەگە ارتقان، - دەلىنگەن حابارلامادا.
ق ا ب ك قازىردىڭ وزىندە 34 ميلليارد تەڭگە سوماعا 48 اكتيۆتى ساتتى. اكتيۆ ورنالاسقان ەلدىڭ زاڭناماسىنا سايكەس شەتەلدە مۇلىكتى ساتۋدى قوسا العاندا، ءتيىستى جۇمىس جالعاسىپ جاتىر. تاريحي-مادەني ماڭىزى بار قۇندى نىساندار (ەرتە تەمىر ءداۋىرى مەن ورتا عاسىرلارداعى جادىگەرلەر) عىلىمي زەرتتەۋلەر ءۇشىن ۇلتتىق مۋزەيدىڭ تۇراقتى كوللەكتسياسىنا بەرىلدى.
- جالپى سوماسى 318,1 ميلليارد تەڭگە بولاتىن ارناۋلى مەملەكەتتىك قوردىڭ قاراجاتى 406 الەۋمەتتىك ماڭىزداعى جوبانى قارجىلاندىرۋعا باعىتتالادى. قارجىلاندىرۋدىڭ نەگىزگى كولەمى سۋمەن جابدىقتاۋ (160,6 ميلليارد تەڭگەگە 230 جوبا) جانە دەنساۋلىق ساقتاۋ سالاسىنا (100,4 ميلليارد تەڭگەگە 162 جوبا) جۇمسالدى. سونداي-اق ءبىلىم بەرۋ (24 ميلليارد تەڭگەگە 10 جوبا) مەن سپورت سالاسىنداعى (33,1 ميلليارد تەڭگەگە 4 جوبا) جوبالاردى دا قارجىلاندىرۋ جوسپارلانعان.
2025-جىلدىڭ 13-ماۋسىمىندا وتكىزىلگەن رەسپۋبليكالىق بيۋجەت كوميسسياسىنىڭ وتىرىسىندا 80 ميلليارد تەڭگەدەن استام سوماعا 73 جوبانى قارجىلاندىرۋ ماقۇلداندى. ونىڭ ىشىندە ونەركاسىپ جانە قۇرىلىس مينيسترلىگىنىڭ باعىتىنا بايلانىستى، اتاپ ايتقاندا 63 جوبا ەلىمىزدىڭ قالالارى مەن اۋىلدى ەلدى مەكەندەرىندەگى سۋمەن جابدىقتاۋ جۇيەلەرىن دامىتۋعا باعىتتالدى. تەك اباي، اقمولا، جامبىل، قوستاناي، سولتۇستىك قازاقستان جانە باسقا وبلىستاردىڭ اۋىلدى جەرلەرىندە 50 دەن استام نىسان جاڭعىرتىلاتىن بولادى. بۇدان باسقا سۋ رەسۋرستارى جانە يرريگاتسيا مينيسترلىگىنىڭ تۇركىستان، اقمولا، اتىراۋ، ب ق و جانە س ق و- دا 30 ميلليارد تەڭگەگە جۋىق قاراجاتقا توپتىق سۋ قۇبىرلارىن سالۋ مەن جاڭارتۋعا قاتىستى 8 جوباسىن ىسكە اسىرۋعا قارجىلاي قولداۋ كورسەتىلەدى. سونىمەن قاتار قوستاناي وبلىسىندا عىلىم جانە جوعارى ءبىلىم مينيسترلىگىنىڭ 1 جوباسى (ارقالىقتاعى ينفراقۇرىلىمدى دامىتۋعا ارنالعان عيماراتتى 1,9 ميلليارد تەڭگەدەن استام سوماعا جاڭعىرتۋ) مەن تۋريزم جانە سپورت مينيسترلىگىنىڭ 1 جوباسى (كوكشەتاۋ قالاسىندا 12,6 ميلليارد تەڭگەدەن استام سوماعا كوپفۋنكتسيونالدى كەشەن سالۋ) قولداۋ تاپتى، - دەلىنگەن حابارلامادا.
تۇيىندەيتىن بولساق، بۇل باعىتتا حالىقتىڭ ءومىرىن جاقسارتاتىن جوبالارعا باسىمدىق بەرىلەدى. ايتا كەتەلىك ءۇش جىلدا 1 تريلليون تەڭگەدەن استام قارجى قايتارىلدى.
