قورعاستان 200 مىڭنان استام كولىك كەدەندىك راسىمدەۋدەن ءوتتى - شەتەلدەگى قازاق باسپا ءسوزى
Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
ۆيزاسىز رەجيم ىسكە قوسىلعالى بەرى قازاقستانعا كىرىپ-شىعاتىندار سانى ارتتى - ukilialtay
قىتاي مەن قازاقستان اراسىنداعى ءوزارا ۆيزالىق جەڭىلدىك 30 كۇنگە رەسمي تۇردە كۇشىنە ەنگەنى بەلگىلى. قازىرگى ۋاقىتتا جەمەنەي كەدەن بەكەتىنەن (بەرگى جاعى مايقاپشاعاي كەدەن بەكەتى - اۆت. ) كىرىپ- شىعاتىن جولاۋشىلاردىڭ ورتاشا تاۋلىكتىك سانى 300 دەن اسادى. بۇل تۋرالى قىتايدىڭ ukilialtay اقپاراتتىق پورتالى حابارلايدى.
جالپى قىتاي مەن قازاقستان اراسىندا كادرلىق ساپارلارى، ەكونوميكالىق جانە ساۋدا الماسۋلارى ءجيى بولىپ تۇرادى. قىتايلىق كەدەن بەكەتى جوسپارلاۋدى كۇشەيتۋ جانە پوليتسيا كۇشتەرىن مۇقيات ورنالاستىرۋ ارقىلى جۇمىستى عىلىمي تۇردە ۇيىمداستىرعانىن جانە بارلىق تەكسەرۋ ارنالارىن اشقانىن ايتادى.
جەمەنەي شەكارالىق باقىلاۋ بەكەتىنىڭ ءبىرىنشى كەزەكشى كاپيتانىنىڭ ورىنباسارى چەن رۋيچي كەدەندىك رەسىمدەۋ پروتسەدۋرالارىن وڭتايلاندىرۋ، ءتيىمدى جانە ىڭعايلى ەتۋ ءۇشىن جۇمىس ىستەپ جاتقانىن تىلگە تيەك ەتەدى.
«قىتاي مەن قازاقستان اراسىنداعى 30 كۇندىك ۆيزاسىز رەجيم 10 قاراشادا جۇزەگە اسىرىلعالى بەرى كەدەن بەكەتىنەن كىرىپ-شىعاتىن جولاۋشىلار سانى ارتتى. كۇن سايىن 300 دەن استام ادام كىرىپ-شىعاتىن تىكەلەي ءوسۋ تەندەنتسياسىنا يە بولدى. ءبىز جولاۋشىلاردىڭ كىرىپ-شىعۋ ءۇشىن قاۋىپسىز، ءتيىمدى جانە ىڭعايلى كەدەندىك رەسىمدەۋ ورتاسىن قامتاماسىز ەتۋدى جالعاستىرامىز. كەدەندىك رەسىمدەۋ پروتسەدۋرالارىن وڭتايلاندىرۋدا قىزمەتتىك باسشىلىقتى كۇشەيتۋ سياقتى شارالاردى قابىلداۋ ارقىلى جولاۋشىلارعا جانە كەدەندىك رەسىمدەۋدىڭ تيىمدىلىگىن ۇنەمى ارتتىرۋعا مۇمكىندىك بەرەمىز»، - دەيدى چەن رۋيچي.
الەمگە ايگىلى 1000 كىتاپ وزبەك تىلىنە اۋدارىلادى - «ءوز ا»
وزبەكستان رەسپۋبليكاسى پرەزيدەنتى «جاستارعا ارنالعان مىڭ كىتاپ» جوباسىن جۇزەگە اسىرۋ شارالارى تۋرالى شەشىم قابىلدادى. وعان سايكەس الەمگە ايگىلى 1000 كىتاپ ىرىكتەلىپ، وزبەك تىلىنە اۋدارىلادى. بۇل تۋرالى وسى اپتادا وزبەكستاندىق «ءوز ا» اقپاراتتىق اگەنتتىگى حابارلادى.
جوبا اياسىندا مەملەكەتتىك تاپسىرىسقا سايكەس اۆتورلاردان كىتاپتاردى پايدالانۋ قۇقىعىن ساتىپ الۋ، ولاردى وزبەك تىلىنە اۋدارۋ، باسپاعا دايىنداۋ جۇمىستارى جۇرگىزىلمەك. سونىمەن قاتار مەملەكەتتىك جوعارى وقۋ ورىندارىنا ارنالعان كىتاپتاردىڭ تىزبەسىن جوعارى ءبىلىم، عىلىم جانە يننوۆاتسيالار مينيسترلىگى قالىپتاستىرادى.
كىتاپتار ءتىزىمىن عىلىم، مادەنيەت، ونەر، ادەبيەت جانە باسقا دا سالالاردا تاجىريبەسى مەن ءبىلىمى جەتىلگەن عالىمدار، سونداي-اق رەسپۋبليكالىق رۋحاني-اعارتۋ ورتالىعىنىڭ، ءدىن ىستەرى كوميتەتىنىڭ ماماندارىنان قۇرالعان ساراپشىلار كەڭەسى جاسايدى.
كىتاپتاردى وزبەك تىلىنە اۋدارۋ جانە باسىپ شىعارۋدى جۇزەگە اسىرىلۋ كەزەڭدەرى تۋرالى ءسوز بولعان. 2023-2024 -جىلدارى العاشقى 50 كىتاپ اۋدارىلىپ، دايىندالىپ، باسىپ شىعارىلماق.
موڭعوليادا مۇرات پۇشاتاي ۇلى اتىندا الامان ايتىس ءوتتى - Janadauir.com
قۇرمانحان ءمۇقامادي ۇلى اتىنداعى مۋزىكالىق دراما تەاترىندا اقىن، قوعام قايراتكەرى، ساياساتكەر مۇرات پۇشاتاي ۇلى اتىندا الامان ايتىس ءوتتى. اتالمىش ايتىسقا قازاق ەلىنەن، قىتاي حالىق رەسپۋبليكاسىنان، قىرعىز ەلىنەن جانە ايماعىمىزدان بارلىعى 21 اقىن قاتىستى، دەپ جازادى موڭعوليالىق Janadauir.com سايتى.
اتالعان ب ا ق-تىڭ دەرەگىنشە، زال كورەرمەنگە لىق تولعان. حالىقتىڭ وسىنداي ءبىر الامان ايتىس ساعىنىپ قالعانى بايقالعانداي. ايتىس باستالماس بۇرىن اقىن جانە قوعام قايراتكەرى مۇرات پۇشاتاي ۇلىن ەسكە الىپ، ول كىسىنىڭ ءومىر جولىنان مالىمەتتەر بەرىلىپ، ولەڭدەرى وقىلىپ، اندەرى ايتىلعان. اۋەلگى ءسوز كەزەگىن العان باس تورەشى، اقىن، قازاق ەلىنىڭ مادەنيەت قايراتكەرى داۋلەتكەرەي كاپ ۇلى بۇل جولعى ايتىستىڭ ماڭىزدىلىعىنا توقتالعان.
بۇل ءىس-شارانىڭ بارلىق شىعىنىن مۇرات پۇشاتاي ۇلىنىڭ جۇبايى مەن بالالارى كوتەرگەن.
قازاقستان شەتەلدىك ينۆەستورلاردى تابىستى تۇردە تارتۋدا - «TRT»
قازاقستان ەكونوميكاسىنا شەتەلدىك ينۆەستورلاردى تابىستى تۇردە تارتىپ جاتىر. 2022 -جىلى تۇركياعا ينۆەستيتسياسى دا 68 ميلليون دوللاردان استى. قازاقستاننان باسقا ەلدەردىڭ ەكونوميكاسىنا جۇرگىزىلگەن تىكەلەي ينۆەستيتسيا 10 -جىلدا 52,2 پايىز ازايدى. 2022 -جىلى قازاق ينۆەستورلاردىڭ ەڭ كوپ ينۆەستيتسيا سالعان ءۇش ەلى اراسىندا نيدەرلاند، رەسەي، كايمان ارالدارى ورىن الادى. سونىمەن قاتار قازاقستان مەن تۇركيا اراسىنداعى ساۋدا- ەكونوميكالىق قاتىناستار بارا- بارا ارتۋدا. بۇل تۋرالى وسى اپتادا تۇركيا راديو تەلەۆيزيا پورتالى حابارلاعان.
اتالعان ب ا ق-تىڭ مالىمەتىنشە، قازاقستان ەكونوميكاسىنا تىكەلەي شەتەلدىك ينۆەستيتسيالار بولسا 2013 -جىلى 24,1 ميلليارد دوللار بولاتىن، بۇل كورسەتكىش ون جىلدا 16,3 پايىز ارتىپ، 2022 -جىلى 28,03 ميلليارد دوللاردى قۇراعان.
وتكەن جىلى قازاق ەكونوميكاسىنا 8,3 ميلليارد دوللاردىق ينۆەستيتسيا سالعان نيدەرلاند شەتەلدىك ينۆەستورلار تىزىمىندە كوش باستاپ تۇر.
«ۇلى جىبەك جولى-2023» اتتى حالىقارالىق كورمە باستالدى - «Parstoday»
قازاقستاننىڭ الماتى قالاسىندا ءتۇرلى ەلدەر وكىلدەرىنىڭ قاتىسۋىمەن «ۇلى جىبەك جولى-2023» اتتى حالىقارالىق كورمە ءوتتى. بۇل تۋرالى وسى اپتادا «Parstoday» اقپارات اگەنتتىگى ق ر مادەنيەت مينيسترلىگىنە سىلتەمە جاساپ حابارلادى.
كەلتىرىلگەن مالىمەتتەرگە سۇيەنسەك، بۇل كورمەگە قازاقستان، رەسەي، قىرعىز رەسپۋبليكاسى، وزبەكستان مەن ازەربايجاننىڭ مەرزىمدىك باسىلىمدارى، باسپالارى مەن كىتاپحانالارىنىڭ وكىلدەرى، سونداي-اق تۇركيا، قىتاي مەن يراننىڭ ديپلوماتيالىق وكىلدەرى جانە قازاقستان مادەنيەت مينيسترلىگىنىڭ باسپا ءىسى باسقارماسىنىڭ قىزمەتكەرلەرى قاتىسقان.
ايتا كەتۋ كەرەك، بۇل كورمە قازاقستاندا زاماناۋي كىتاپتاردىڭ تارالىمىن ارتتىرۋ، كىتاپ نارىعىندا ىشكى وندىرۋشىلەردىڭ ورنىن نىعايتۋ جانە پوليگرافيا سالاسىندا جاڭا تەحنولوگيالاردى تانىستىرۋ ماقساتىندا وتكىزىلىپ جاتىر.
شەشەننىڭ ءتىلى، شەبەردىڭ قولى ورتاق - Janadauir.com
وسى اپتادا janadauir.com اقپاراتتىق پورتالى «كاسىبىم- نەسىبەم» ايدارىنان ون ساۋساعىنان ونەر تامعان شەبەر - بۇركىتحان قىزى ەركەگۇلدى تانىستىردى. ول ولگي سۇمىنى 10-باقتا ومىرلىك جولداسى جانە بالالارىمەن بىرگە تۇرادى. ەركەگۇل قازىر ءوز ۇيىندە تىگىن تىگۋمەن، جاڭا ۇيلەنگەن جاستارعا ارنالعان جاساۋلار جاساۋمەن اينالىسادى. ماماندىعى دا - تىگىنشىلىك. وسى سالادا وقىپ، كاسىپتىڭ قىر-سىرىن مەڭگەرگەن شەبەر كوپ جىلدار بويى حالىققا قىزمەت ەتىپ كەلەدى. ءوزىنىڭ سۇيىكتى ءىسىن، كاسىبى بولدىرا بىلگەن ەركەگۇل حانىمدى موڭعوليالىق باسىلىم اڭگىمەگە تارتقان.
تىگىنشى ەركەگۇل سۇحبات بارىسىندا قازىرگى تابىسىن ايتىپ بەرگەن. ول وسىنداي قولونەرى بار ازاماتتار بىرىگىپ سەرىكتەستىك قۇرىپ، بىرگە ارەكەت ەتۋىنە دە بولادى. ارىقاراي ءتىپتى كومپانيا قۇرۋعا دا مۇمكىنشىلىكتەرى بار ەكەنىن تىلگە تيەك ەتكەن.
«Janadauir.com»-نىڭ دەرەگىنشە، ەركەگۇل تۇراتىن ايماقتاعى ۇلتتىق قولونەر دەگەن ءوز الدىنا ۇلكەن ءبىر سالا. ەندەشە وسىعان دا ايماق تاراپىنان قولداۋلار، باعدارلامالار قاجەت ەكەنى ايتىلادى. سونداي- اق وسى كەزدە كوپتەگەن قىز كەلىنشەكتى جۇمىستى، كىرىستى بولدىراتىن مۇمكىندىكتەر قاراستىرىلۋى كۇن تارتىبىندەگى ماسەلە بولىپ تۇر، دەپ تۇيىندەيدى موڭعوليالىق باسىلىم.
قورعاستان بيىل 200000 نان استام كولىك كەدەندىك راسىمدەۋدەن ءوتتى - «حالىق گازەتى»
24-قاراشادان باستاپ قىتاي- قازاقستان شەكاراسىنداعى شىڭجاڭ قورعاس اۆتوموبيل پورتى 24 ساعاتتىق كەدەندىك رەسىمدەۋدى جانە سىناق نەگىزىندە جۇكتەردى كەدەندىك راسىمدەۋدى جۇرگىزەدى. قورعاس شەكاراسى ەلدەگى اۆتوموبيل ەكسپورتى ءۇشىن ەڭ ۇلكەن قۇرلىق پورتى. مىڭداعان كوممەرتسيالىق كولىكتەر كۇن سايىن وسىندا كەدەندىك راسىمدەۋدەن ءوتىپ، ورتالىق ازيا مەن ەۋروپاعا ساتىلادى. وسى جىلى پورتتا 200000 نان استام اۆتوموبيل كەدەندىك راسىمدەۋدەن ءوتتى، دەپ حابارلايدى «حالىق گازەتى».
قىتايلىق ب ا ق-تىڭ كەلتىرگەن مالىمەتىنشە، قىتايعا كىرەتىن جانە شىعاتىن كولىك قۇرالدارى نەگىزىنەن ەكسپورتقا ارنالعان، اۋىر جانە كوممەرتسيالىق كولىكتەرگە بولىنەدى. اۋىر جۇك كولىكتەرىنىڭ ورتاشا تاۋلىكتىك كليرەنسى 300 بىرلىكتى قۇرايدى.
بۇل كولىكتەردىڭ ءبىرازىنا وتاندىق (قىتايلىق - اۆت.) جەمىستەر مەن كوكونىستەر، كەيبىرەۋلەرىنە وتاندىق كۇندەلىكتى قولدانىلاتىن زاتتار، ەلەكتر بۇيىمدارى، سونىمەن بىرگە قىتايدىڭ «ءبىر بەلدەۋ، ءبىر جول» بويىنداعى ەلدەردىڭ قۇرلىسىنا كومەكتەسەتىن جەل قالاقتارى سياقتى جابدىقتار تيەلگەن.
سونداي-اق وسى اپتادا «ىلەدە قار- مۇز ماۋسىمىنا ارناپ 30 دان استام ءىس- شارا ۇسىنىلدى» دەگەن تاقىرىپتاعى اقپارات جاريالانعان بولاتىن.
بيىلعى 1-جەلتوقساننان كەلەسى جىلدىڭ 31-ناۋرىزىنا دەيىن ىلە قازاق اۆتونوميالى وبلىسىنىڭ بارلىق اۋدان- قالاسى قاتارىنان 30 دان استام قار-مۇز فەستيۆالى، تۋريستىك ءىس- شارالار ۇيىمداستىرىپ، تۋريستەردى «قاردان ءلاززات الۋعا، قار ويناۋعا جانە شاڭعى تەبۋگە» شاقىرادى، دەپ جازادى قىتايدىڭ «حالىق» گازەتى اقپاراتتىق پورتالى.
اتالعان باسىلىمنىڭ مالىمەتىنشە، ىلە وبلىسىندا 20 تاۋ شاڭعىسى كۋرورتى بار. سونىمەن قاتار نارات جانە قاراجون سياقتى جوعارى ساپالى كوركەم جەرلەر بار. وسى تۋريستىك رەسۋرستاردىڭ نەگىزىندە بيىل قىستا ساياحاتشىلاردى تارتۋ ءۇشىن 10 «حيت» ورىن ىسكە قوسىلادى.
اۆتور
بەيسەن سۇلتان ۇلى
