قورعانىس مينيسترلىگى الەۋمەتتىك جەلىدە تاراعان بەينەروليككە قاتىستى تۇسىنىكتەمە بەردى
استانا. KAZINFORM - قورعانىس مينيسترلىگى الەۋمەتتىك جەلىلەردە اسكەري قىزمەتشىگە قاتىستى زاڭسىز ارەكەتتەر بەينەلەنگەن ۆيدەوروليكتىڭ تارالۋىنا بايلانىستى تۇسىنىكتەمە بەردى.
الەۋمەتتىك جەلىلەردە اسكەري قىزمەتشىگە قاتىستى زاڭسىز ارەكەتتەر بەينەلەنگەن ۆيدەوروليكتىڭ تارالۋىنا بايلانىستى تومەندەگىنى حابارلايمىز.
- اتالعان بەينەماتەريال - «قىرعىزفيلم» كينوستۋدياسى تۇسىرگەن «باتكەن» كوركەم فيلمىنىڭ ءۇزىندىسى جانە قازاقستان رەسپۋبليكاسىنىڭ قارۋلى كۇشتەرىنە ەشقانداي قاتىسى جوق. روليككە قازاق تىلىندەگى دىبىسجول جاساندى ينتەللەكتتىڭ ديپفەيك تەحنولوگياسى ارقىلى جۇكتەلگەن.
ب ا ق وكىلدەرى مەن الەۋمەتتىك جەلى قولدانۋشىلارىن تەكسەرىلمەگەن اقپاراتتى تاراتپاۋعا جانە تەك رەسمي دەرەككوزدەرگە سەنۋگە شاقىرامىز. جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەمىز، - دەلىنگەن مينيسترلىك حابارلاماسىندا.
ايتا كەتەلىك اسكەري قىزمەتشىلەرگە قولداۋ كورسەتەتىن AI-sulu Telegram-بوتى ىسكە قوسىلعان ەدى.
