قور نارىعىندا دوللار 2 تەڭگەگە ارزاندادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە شاققانداعى باعامى تومەندەدى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 2,09 تەڭگەگە ارزاندادى.

ءبىر ا ق ش دوللارىنىڭ ورتاشا باعامى - 485,04 تەڭگە.

ۇلتتىق بانكتىڭ 18-قازانداعى رەسمي باعامى - 1 دوللارعا 487,24 تەڭگە.

رەسەي رۋبلىنىڭ ورتاشا سارالانعان قۇنى - 5,02 تەڭگە.

ەۋرو - 529,34.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 482,9 تەڭگەدەن ساتىلىپ جاتىر، ساتىپ الۋ باعامى - 485,9 تەڭگە. ەۋرو 523,5-528 تەڭگە ارالىعىندا قۇبىلىپ تۇر.

ال، استانا قالاسى بويىنشا ساتۋ باعامى - 483 تەڭگە، ساتىپ الۋ قۇنى - 488 تەڭگە. ەۋرو 523 تەڭگەدەن ساتىلىپ، 529 تەڭگەدەن ساتىپ الىنادى.

رەسەي رۋبلى 4,97-5,07 تەڭگە ارالىعىندا ساۋدالانىپ جاتىر.

ۇلتتىق بانك ءتوراعاسى وسىعان دەيىن جىل باسىنان بەرى تەڭگە باعامى %5,8 السىرەگەنى تۋرالى ايتقان بولاتىن.

سونداي-اق قارجى ساراپشىسى راسۋل رىسمامبەتوۆ تەڭگە قۇنىنىڭ السىرەۋ سەبەبىن ءتۇسىندىردى.