قۇتقارۋشىلار ەلوردالىقتاردى مۇز ۇستىنە شىقپاۋعا شاقىردى

  جاڭا جىلدىق مەرەكەلەر كەزىندە ەلوردادا اۋا رايى -2 دەن +1 گرادۋسقا دەيىن جىلىنادى، بۇل مۇزدىڭ كۇرت ەرۋىنە جانە قالىڭدىعىنىڭ تومەندەۋىنە اكەلەدى.

قۇتقارۋشىلار استانالىقتارعا ەسكەرتۋ جاساپ، سۋ ايدىندارىنا بارۋدان باس تارتۋدى سۇرايدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.

جەلتوقسان ايىنىڭ سوڭىنا قاراي اۋا تەمپەراتۋراسىنىڭ جوعارىلاۋى مۇزدىڭ ەرۋىنە جانە ونىڭ جۇقارۋىنا اسەر ەتەدى.

وسىعان بايلانىستى، مۇزدا بولعان كەزدە كۇتپەگەن جانە توتەنشە جاعدايلاردى بولدىرماۋ ءۇشىن استانا قالاسىنىڭ توتەنشە جاعدايلار دەپارتامەنتى ەلوردا اكۆاتوريالارىنىڭ مۇز بەتىندە قانداي دا ءبىر بۇقارالىق سپورتتىق ءىس-شارالاردى، ويىنداردى، سىرعاناۋلاردى وتكىزۋدەن باس تارتۋدى ۇسىنادى.

مۇزدا قاۋىپسىز بولۋدىڭ نەگىزگى شارتى ونىڭ قالىڭدىعىنىڭ قوسا بەرىلگەن جۇكتەمەگە سايكەستىگى: ءبىر ادام ءۇشىن - كەمىندە 10 سانتيمەتر، ال بۇقارالىق سپورتتىق، مەرەكەلىك ءىس- شارالاردى جانە اۆتوكولىك وتكەلدەرىن ۇيىمداستىرۋ ءۇشىن كەمىندە 25 سانتيمەتر.