"قۇربىمنىڭ ەرەكشە دياگنوزى اسەر ەتتى". سۇيەك سورپاسىن ساتىپ، بايىعان كاسىپكەر تابىسىنىڭ قۇپياسىن ءبولىستى

كاسىپكەر
Фото: massaget.kz

  سۇيەك سورپاسى-ناعىز دارۋمەندەرى، امينقىشقىلدارى، كوللاگەنى بار تابيعي ءونىم. ال سۇيەكتىڭ ءوزى -تابيعي كوللاگەن كوزى.

كاسىپكەر ايگەرىم نۇقپايەۆا ءبىر جىلدان بەرى 24 ساعات قاينايتىن "سورپا line" اتتى سۇيەك سورپاسىن دايىندايدى. ونىڭ بۇل كاسىپتى باستاۋىنا قۇربىسىنىڭ ەرەكشە دياگنوزبەن اۋىرعانى اسەر ەتكەن.

"ەكى ماماندىعىم بار"

ايگەرىم نۇقپايەۆانىڭ ەكى ماماندىعى بار. ءبىرى - ەكونوميست- بۋحگالتەر بولسا، ەكىنشىسى ماركەتولوگ.

"ءار نارسەگە قىزىعاتىن قىزىق قاسيەتىم بار. سوندىقتان ءبىر- بىرىنە ۇقسامايتىن ءتۇرلى دۇنيەمەن اينالىستىم. بۋحگالتەرلىكتەن باستاپ، الەۋمەتتىك جەلىلەردە پاراقشا جۇرگىزۋ، ەكسپەرتتەرگە پروديۋسەر بولۋ، كىتاپ ساتۋ، تۋر ۇيىمداستىرۋ، newborn تۇسىرىلىمدەر، ت. ب. تىزە بەرسەم كوپ. بۇل كاسىپتى 2022 -جىلدىڭ جەلتوقسان ايىندا باستادىم. جالپى مەن بۇكىل الەمدى جاراتۋشى بارىنا سەنەمىن. وسى سورپانىڭ يدەياسى باسىنان باستاپ قازىرگى جولىنا دەيىن سول اللانىڭ ءىسى دەپ بىلەمىن"، - دەدى ول.

كاسىپكە قىزىعۋشىلىق دەنساۋلىق سالاسىنا دەن قويۋدان باستالعان.

"دەنساۋلىق سالاسىنا دەن قويۋۋىما مارقۇم قۇربىم تورعىن جولداسبەك قىزى سەبەپ بولدى. ەڭ ءبىرىنشى تانىستىعىمىز ونلاين بولعان. الەۋمەتتىك جەلىگە "كەش قالما" رومانىن ءار سەرياعا ءبولىپ جۇكتەپ وتىراتىن. سولاي ءار ءبولىمىن اسىعا كۇتىپ، پىكىر جازىپ ءجۇرىپ، جاقسى ارالاسىپ كەتتىك. وفلاين 2019 -جىلى جولىقتىق. 2020 -جىلدان باستاپ بىرگە ەكى جىلعا جۋىق تۇردىق. بار "قىزىق" سول كەزدە باستالدى"، - دەدى كاسىپكەر.

"قۇربىمنىڭ دياگنوزى اسەر ەتتى"

ايگەرىمنىڭ قۇربىسى سيندروم ەربا روتا دياگنوزىمەن اۋىرعان.

"قۇربىمنىڭ قاسىندا ءجۇرىپ، ادام اعزاسى تۋرالى جوعارى ءبىلىم الىپ شىقتىم. تورعىن مىڭنان ءبىر ادامدا كەزدەسەتىن سيندروم ەربا روتا دياگنوزىمەن اۋىردى. ياعني، ادام اعزاسى اقۋىز وندىرە الماعاندىقتان كۇن سايىن از- ازدان السىرەي بەرەدى. ول ءوزىنىڭ دەنساۋلىعىنا اسقان جاۋاپكەرشىلىكپەن قارايتىن. مەن بۇل قاسيەتتەن جۇرداي بولدىم. جەگىم كەلگەن، زياندى تاعامداردان دا اسا ءوزىمدى شەكتەمەيتىنمىن. قۇربىما ديەتالىق تاعام جاساپ ءجۇرىپ، سونداي دياگنوزى بار ادامدار تۋرالى بىلە باستاعاننان كەيىن سالاۋاتتى ءومىر سالتى مەنى دە قىزىقتىرا باستاعانىن بايقادىم"، - دەدى ول.

ءبىراز ۋاقىتتان سوڭ سۇيەك سورپاسىنىڭ پايداسى تۋرالى ەستيدى.

"قۇربىمنىڭ يممۋنيتەتىن جاقسارتۋ ءۇشىن نە ىستەۋىم كەرەك؟ " دەپ جۇرگەندە سۇيەك سورپاسىنىڭ پايداسى تۋرالى ەستىدىم. ءوزىم قايناتپاي، دايىنداپ بەرەتىن ادام ىزدەدىم. الايدا ىزدەۋ ءساتسىز اياقتالدى دا، سۇيەك سورپاسى ءبىراز ۋاقىتقا ۇمىتىلدى. كۇيزەلىس پەن ۋايىمنان با ەكەن ءبىر ۋاقىتتا شاشىم وسپەي قالدى. مۇنى كورىپ، ءتۇرلى ەم- دوم جاساي باستادىم. بارلىعى ناتيجەسىز بولدى. كەيىن الەۋمەتتىك جەلىنى اقتارىپ وتىرىپ "سۇيەك سورپاسىنىڭ پايداسى" تۋرالى اقپاراتتى كوزىم شالىپ قالدى. ءسويتىپ، سورپا ىستەپ كورگىم كەلدى. سولاي ءوزىم جاساپ كورگىم كەلدى"، - دەدى ول.

"العاشقى تاپسىرىسىم 4 ليتر سورپا بولدى"

ايگەرىم يدەيا پايدا بولعان كۇننەن باستاپ استانا مەن شىمكەنت قالالارىنداعى سورپا پىسىرەتىن قىزدارمەن سويلەسكەن.

شىمكەنتكە بارىپ، سول جاقتا دايىندالعان سورپانى ءىشىپ كوردىم. ادامدارمەن سويلەسكەن سايىن ءتۇرلى يدەيا كەلىپ، ماقسات ايقىندالا باستادى. ودان كەيىن استاناداعى جانار اتتى سورپا قايناتۋشىمەن جاقسى سويلەسىپ كەتتىك. "الماتىدان سورپا سۇرايتىندارعا ءسىزدىڭ ءنومىرىڭىزدى بەرەيىن" دەپ قۋانتتى"، - دەدى ول.

ونىڭ ايتۋىنشا، ەڭ العاشقى كليەنت سورپا دايىن بولماي تۇرىپ، تابىلعان.

"جەلتوقسان ايىندا ستامبۋلعا بارىپ، سولاردىڭ سۇيەك سورپالارىن كورگىم كەلدى. سول جاقتا ىزدەنىس ۇستىندە جۇرگەندە ەڭ ءبىرىنشى تاپسىرىس 22-جەلتوقساندا 4 ليتر سورپاعا موترەنا دەگەن قىزدان ءتۇستى. وعان 27 جەلتوقسان دايىن بولادى دەپ ايتتىم. بۇل كليەنت استاناداعى جانار حانىم ارقىلى كەلدى"، - دەدى كاسىپكەر.

"سورپا 24 ساعات قاينايدى"

كاسىپكەر سورپانىڭ پايداسى تۋرالى اتاپ ءوتتى.

"سۇيەك سورپاسى باياۋ وتتا 24 ساعات قايناعان تابيعي سۋپەرفۋد، كوللاگەننىڭ تاپتىرماس كوزى. ياعني، اسقازان-ىشەك جولدارىن رەتتەپ، بۇلشىق ەت پەن مي جۇمىسىن جاقسارتادى. قۇرامىنداعى كوللاگەن Anti-age اقۋىزى ءسىزدىڭ تەرىڭىزدى جاسارتىپ، شاش پەن تىرناعىڭىزدى نىعايتادى. سورپانىڭ قۇرامىندا جۇيكە جۇيەسى مەن ميدىڭ قالىپتى جۇمىسىن جاقسارتىپ، سۇيەك ءتىنىن نارلەندىرەتىن 7 ءتۇرلى مينەرال بار. اعزاداعى زات الماسۋ جۇيەسىنىڭ، يممۋنيتەتتىڭ، كوڭىل- كۇيدىڭ جاقسارۋىنا سۇيەك سورپاسىندا كەزدەسەتىن 20 ءتۇرلى امينقىشقىل جاۋاپ بەرەدى. گليتسين مەن ماگني ۇيقىڭىزدى قالىپقا كەلتىرەدى. سونداي- اق، سورپادا اعزاعا پايدالى ءتۇرلى دارۋمەندەر (Ca, Mg, Fe, A، LCA، e، B2,B12) بار"، - دەدى ول.

ايگەرىم سورپا بارلىق جانعا دا پايدالى ەكەنىن ايتتى.

"9 ايلىق بالادان 90 جاسار كارىگە دەيىن سورپا ىشۋگە كەڭەس بەرەمىز. تاماقتىڭ الدىندا نە ونىڭ ورنىنا ءبىر كەسە سورپا (230 م ل) تاڭەرتەڭ جانە كەشكە ءىشىپ تۇرۋعا بولادى. كەز-كەلگەن تاماققا قوسۋعا، بالالاردىڭ كوكونىستەرىن پىسىرۋگە، جاتتىعۋ زالىنان شىققاندا ءىشۋ ءۇشىن پايدالانۋعا بولادى"، - دەدى ول.

"ءار جىلى لەبىز قۋانىش سىيلايدى"

ايگەرىمنىڭ كاسىپ جۇرگىزۋدە تۇراقتى جاسالاتىن امالدارى بار. ەرەكشەلىگىن دە وسىلاي ءتۇسىندىردى.

"كاسىبىمىزدىڭ وزگە باسەكەلەستەردەن ەرەكشەلىگى باسقا ادامداردى باسەكەلەس كورمەۋىمىزدە دەپ ويلايمىن. كليەنت بارلىعىنا جەتەدى دەگەن نيەتپەن، كۇندەلىكتى فوكۋستى ءونىم مەن كليەنتتەرگە قويىپ، كەشەگىگە قاراعاندا ءسال جاقسىراق بولۋ، ۇزدىكسىز ءبلىم الۋ، ونى قولدانۋ، تەست جاساۋدان شارشاماۋ ارەكەتتەرى كليەنتتەردىڭ ءبىزدى تاڭداۋىنا الىپ كەلەدى"، - دەدى ول.

ونىڭ ايتۋىنشا، كليەنتتەردىڭ ءار جىلى لەبىزى شابىت سىيلايدى.

پاراقشامىزدا 200 گە جۋىق جىپ-جىلى، ەرەكشە پىكىرلەر كوپ. سونىڭ ءبىرى بايان دەگەن سۇلۋلىق سالاسىنداعى ەكسپەرتتەن بولعان. "كوپتەن ىزدەگەن سورپامدى تاپقان سياقتىمىن"، - دەپ بەلگىلەپ سالعاندا ءبىراز ادام جازىلادى. سودان باستاپ بۇل سۇلۋ، ادەمى ايەلدىڭ ءتارتىبى مەنى تاڭقالدىرىپ كەلەدى. 15-اقپاننان باستاپ قازىرگى ۋاقىتقا دەيىن اپتاسىنا 3/4 ليتر سورپا الىپ كەتەدى. جاسى 41 دە بولعانىمەن 30 جاس بەرىپ جاتاتىنى دا وسى تاماقتانۋ رەجيمىنەن دەپ ويلايمىن. تاماققا تالعامپاز، جاسايتىن جاتتىعۋلارى تۇراقتى. ونىڭ 27 مىڭ وقىرمانى بار. ءبىزدى جىلعا جۋىق ۋاقىت تەگىن قولداپ كەلەدى. قاتتى قينالىپ كەتكەن ۋاقىتتارى وسى كاسىپتى قويا سالامىن عوي دەپ جۇرگەندە كليەنتتەردەن كەلەتىن پىكىرلەر جاڭا دەم سىيلايتىن. العىسىم شەكسىز. ىشتەي، سىرتتاي راحمەتىمدى ايتىپ جۇرەمىن"، - دەدى ول.

"نەگە سورپا سۇيىق شىعادى؟ "

ايگەرىم العاش اقىلى جارناماعا جۇگىنگەندەگى قىزىق وقيعاسىن ءبولىستى.

" قىزىقتاردىڭ ءبىرى ەڭ ءبىرىنشى اقىلى جارناماعا جۇگىنگەندە بولدى. 60 جاستاعى ءوزى سورپا قايناتىپ، تۇراقتى تۇتىناتىن بوتا دەگەن بلوگەرمەن كەلىستىك. سويلەسكەننەن سوڭ سورپامدى بەرىپ جىبەرسەم، كوپ ۇزاماي "قىمباتتى ايگەرىم" دەپ باستالاتىن ۆيدەو جىبەرىپتى. ول "نەگە ءسىزدىڭ سورپا سۇيىق، ال مەنىكى قويۋ؟ " دەپ سۇراق جولداعان. ساسىپ قالدىم. ونىڭ پاراقشاسىندا تۇرعان سۇيەكتەردى بىلاي دا بىلاي سۋرەتكە ءتۇسىرىپ، ناعاشى، جاقىن، الىس دەگەن ەت تانيتىن ادامداردىڭ بارىنە جىبەردىم. تۋرا سول كۇنى قۇربىلارىمىزبەن مونشاعا بارعانبىز. مونشا جايىنا قالدى. قولىمدا تەلەفون. عالامتورعا "نەگە سورپا سۇيىق شىعادى؟ " دەپ ىزدەپ، سونى اقتارىپ وتىرعانىم ءالى ەسىمدە. ءبىزدىڭ ءوسۋىمىز ءار كليەنتپەن، ەكسپەرتپەن قاتار ءجۇرىپ وتىرادى.

قاتتى ساستىرعان بوتا حانىم ارقىلى ءبىلىمىمىز ءبىراز شىڭدالدى. سورپا قويۋ شىعۋ ءۇشىن الىس- جاقىننان كونسۋلتاتسيا الىپ، رەتسەپتتى ءبىراز تەستىلەدىك. ول دا ءبىزدىڭ تالپىنىسىمىزدى كورىپ، كۇشتى قولداۋ كورسەتتى"، - دەدى ول.

سونداي- اق، ول سورپانىڭ قۇرامىن دا تانىستىرىپ ءوتتى.

"سورپانىڭ قۇرامى قانداي" دەگەن سۇراق توپ 3 كە كىرەتىن سۇراق بولدى. باسىندا مەن دە قاتتى ساسقالاقتاپ نە دەپ جاۋاپ قايتارارىمدى بىلمەيتىنمىن. مىسالى، ءسىز دە ەت اساسىز، اناڭىز دا سول ەتتى اسادى، مىنا جاقتا مەن دە اسامىن. ۇشەۋمىزدىڭ قولداناتىنىمىز بىردەي بولعانىمەن، 3 ءتۇرلى شىعادى. ياعني، 3 ادام 3 ءتۇرلى جاسايدى. بىرەۋى وتە ءجيى ەت اساتىندىقتان ونى قالاي باپپەن دايىنداۋعا بولاتىنىن بىلەدى دەگەن سياقتى عوي. سولاي بۇل جاقتا بىزدە دە ۇزاق تەستىلەۋدەن كەيىن ءوزىمىزدىڭ تەحنولوگيامىز پايدا بولدى. سول بويىنشا دايىندايمىز. سورپانىڭ قۇرامىنا سيىر جىلىك سۇيەكتەرى، دامدەۋىشتەردەن گيمالاي تۇزىن، الما سىركە سۋىن، ءسابىز، پياز، سەلدەرەي، كوك ءشوپ، تازا سۋ قوسامىز"، - دەدى كاسىپكەر.

"سورپانىڭ باعاسى - 3100 تەڭگە"

كاسىپكەر
Фото: massaget.kz

 

قازىرگى تاڭدا كوماندادا 4 ادام جۇمىس ىستەيدى.

"كوماندادا وزىممەن قوسقاندا 4 ادام، SMM مامانى، باسقارۋشى، اسپازشى جانە مەن. ءار ماماندى سەرىكتەس كورەمىن. ءارقايسىسى ءوز دەڭگەيىندە ۇلەستەرىن قوسۋدا. ءدال قازىرگى ۋاقىتتا ءبارىن ءوزىمىز جاسايمىز. اقتوبەدە ءبىر فيليالىمىز بار. باسقا ءىرى قالالارعا الماتىدان جىبەرىپ تۇرامىز. اللاعا شۇكىر، تۇراقتى 100 ساتىپ الۋشىمىز بار. ودان بولەك ءبىر- بىرىنە ۇسىناتىندار كوپ. Sorpaline = ساپا دەگەن تەرمين قالىپتاسىپ كەلە جاتقانىنا بالاشا قۋانامىن"، - دەدى ايگەرىم.

ول سورپانىڭ باعاسى 3100 تەڭگە ەكەنىن اتاپ ءوتتى.

"قازىرگى ۋاقىتتا سورپانىڭ سيىر جىلىك سۇيەگىنەن جاسالىناتىن ءبىر عانا ءتۇرى بار. 1 ليتر سورپا - 3100 تەڭگە. پلاستيك پاكەت پەن شىنى ىدىستا ۇسىنامىز. مۇزداتقىشتا 90 كۇنگە دەيىن، توڭازىتقىشتا 5 كۇنگە دەيىن ساقتاۋعا بولادى. ايىنا 500 ليتر ساتىپ وتىرمىز". - دەدى كاسىپكەر.

https://massaget.kz

سوڭعى جاڭالىقتار