قۇنى 9,2 ميلليارد تەڭگە زالال كەلتىرگەن اتى شۋلى ۇيىمداسقان توپ مۇشەلەرى تەرگەلىپ جاتىر
استانا. KAZINFORM - ق م ا سوت ۇكىمى بويىنشا تاركىلەنۋگە جاتاتىن تىيىم سالىنعان مۇلىكتى زاڭسىز ساتۋ فاكتىسى بويىنشا تەرگەۋ جۇرگىزىپ جاتىر. بۇل تۋرالى اگەنتتىكتىڭ باسپا ءسوز قىزمەتى ءمالىم ەتتى.
ەسكە سالساق، بۇعان دەيىن اگەنتتىك «AV- Construction» ج ش س، «ستەكولنىي زاۆود» ج ش س، «شالقار 17» ج ش س، «باحار- ا» ج ش س جانە باسقا دا كاسىپورىنداردى رەيدەرلىك باسىپ الۋ فاكتىلەرى بويىنشا قوسپايەۆتىڭ ۇ ق ت قاتىستى تەرگەۋدى اياقتاعان بولاتىن.
تاركىلەۋدى قامتاماسىز ەتۋ ماقساتىندا سوت قۇرىلتايشىسى ايدوس قوسپايەۆ بولىپ تابىلاتىن «Nikolsky Investment» ج ش س تيەسىلى الماتى قالاسىنداعى «نيكولسكي» بازارىنىڭ اۋماعىندا ورنالاسقان جەر ۋچاسكەسى مەن مۇلىككە تىيىم سالعان. الايدا، اعىمداعى جىلدىڭ قىركۇيەك ايىندا «ازاماتتارعا ارنالعان ۇكىمەت» ك ە ا ق بازاسىنا جالعان اقپارات ەنگىزۋ ارقىلى بازاردى شەتەلدىكتەرگە ساتۋ ماقساتىندا بوگدە ادامدارعا قايتا رەسىمدەۋ جۇزەگە اسىرىلىپ، شەكتەۋلەر الىنىپ تاستالعان. ال، 5 - قازاندا قۇنى 2,2 ميلليارد تەڭگە بولاتىن مۇلىك پەن جەر ۋچاسكەسى شەتەلدىك ينۆەستورلارعا ودان ءارى ساتۋ ماقساتىندا بوگدە تۇلعالارعا قايتا رەسىمدەلگەن.
اگەنتتىك الاياقتىق ءۇشىن بۇرىن سوتتالعان ءۇش ادامدى انىقتاپ، ۇستادى. ولارعا قاتىستى سوت سانكتسياسىمەن «قاماۋدا ۇستاۋ» تۇرىندەگى بۇلتارتپاۋ شاراسى تاڭدالدى.
سونداي-اق، جالعان قۇجاتتار جاساپ، مۇلىكتى يەلىكتەن شىعارۋعا ىقپال ەتكەن سىبايلاس انىقتالدى.
تەرگەۋ جالعاسۋدا. ق ر ق پ ك- ءنىڭ 201-بابى تارتىبىندەگى وزگە دە اقپارات جاريا ەتۋگە جاتپايدى.
