قۇلىبايەۆتار التىن بانكتى تولىعىمەن ساتىپ الدى ما

استانا. قازاقپارات - «Altyn Bank» ا ق باسشىلىعى قارجى نارىعىن رەتتەۋ جانە دامىتۋ اگەنتتىگى تاراتقان اقپارات بويىنشا تۇسىنىكتەمە بەردى.

بانكتىڭ باسپا ءسوز قىزمەتى ۇسىنعان مالىمەتكە سۇيەنسەك، 2023 -جىلدىڭ قاڭتارىنان باستاپ ق ر «بانكتەر جانە بانك قىزمەتى تۋرالى» زاڭعا تۇزەتۋلەر كۇشىنە ەنگەن. سوعان سايكەس مارتەبەسى بار تۇلعالار (جاناما) بانكتىڭ ءىرى قاتىسۋشىسى قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ رۇقساتىن تالاپ ەتەدى. بۇل تۋرالى قازاقستان رەسپۋبليكاسىنىڭ قنرجدا رەسمي سايتىندا جاريالانعان اقپاراتتا ايتىلعان.

«2024 -جىلعى 7-ماۋسىمدا اگەنتتىك باسقارماسى «Altyn Bank» (China Citic Bank Corporation Limited ە ب) » اكسيونەرلىك قوعامىن، «ALMEX» حولدينگتىك توبى» اكسيونەرلىك قوعامىنا، «حالىق بانك» ا ق ءىرى قاتىسۋشىسى مارتەبەسىنىڭ يەلەرىنە قۇلىبايەۆ تيمۋر اسقار ۇلىنا جانە قۇلىبايەۆا دينارا نۇرسۇلتان قىزىنا مارتەبە الۋعا كەلىسىم بەرۋ تۋرالى قاۋلىلار قابىلدادى. وسىلايشا، زاڭ تالاپتارى ورىندالادى. بۇل كەلىسىمدى الۋ «Altyn Bank» ا ق اكسيونەرلەرىنىڭ قۇرامىنداعى وزگەرىستەردى بىلدىرمەيدى»، - دەلىنگەن بانك تاراپىنان بەرىلگەن جاۋاپتا.

«Altyn Bank» ا ق اكسيونەرلەرىنىڭ قۇرامى، سونداي-اق ولاردىڭ مەنشىك ۇلەسى وزگەرگەن جوق: 
• China CITIC Bank Corporation Ltd. - 50,1%

• Halyk Bank - 40%

• China Shuangwei Investment Co.، Ltd - 9,9%

بۇل تۋرالى قارجىلىق كەڭەسشى راسۋل رىسمامبەتوۆ ءوزىنىڭ Telegram-ارناسىندا ءوز ويىمەن ءبولىستى.

«تيمۋر مەن دينارا قۇلىبايەۆتار ءاۋ باستا كورپوراتيۆتىك جولدار ارقىلى «التىننىڭ» اكسيونەرلەرى بولدى. اتاپ ايتساق، ولار Almex-تىڭ ۇلەسىنە يە. Almex حالىق بانكىنە يەلىك ەتەدى، حالىق بانكى Altyn Bank اكتسيالارىنىڭ ۇلەسىنە (مينوريتارلىق، %40) يەلىك ەتەدى. ونىڭ نەگىزگى اكسيونەرى قىتايلىق CITIC، بەلسەندى ينۆەستور (%60). اقپاراتتىڭ تولىق اشىلۋىنىڭ بولىگى رەتىندە ق ن ر ج د ا اقشادان بەنەفيتسيارلارعا - جەكە تۇلعالارعا دەيىنگى تولىق جولدى رەترواكتيۆتى تۇردە كورسەتۋگە شەشىم قابىلدادى. مۇنى ءبىر سەبەپتەرمەن حابارلامالاردا ايتۋدى ۇمىتىپ كەتتى. بۇل «اكسيانى ساتىپ الۋعا رۇقسات» كەرى مەرزىممەن بەرىلدى. سەبەبى، ول حالىققا HSBC بانكىنىڭ %100 ساتىپ الۋعا رۇقسات بەرگەن كەزدە قاراستىرىلعان بولاتىن. دەمەك، باستاپقىدا سولاي بولدى. ەندى ءبىز باسقا بانكتەردىڭ قالاي جۇمىس ىستەيتىنىن كورۋىمىز كەرەك. مۇمكىن ق ن ر ج د ا ەڭ ءىرى بانكتەن باستاۋدى ءجون دەپ تاپقان بولار، ەندى بارلىق بانكتەردىڭ بارلىق بەنەفيتسيارلارىن اشىلاتىن بولار؟ مەن ونداي اقپاراتتى 2014 -جىلدان باستاپ كورگىم كەلەدى. وندا وففشورلىق كومپانيالاردا، بانكتەرى بار ج ش س-دە اكسيونەرلەردىڭ قالاي وزگەرگەنى كورسەتىلەدى. ءبارى بۇرىنعىداي. التىن بانك CITIC (60%) جانە Halyk (40%) كومپانيالارىنا تيەسىلى بولسا، Halyk ءوز كەزەگىندە Almex-كە (جاي اكسيالاردىڭ %69,52) تيەسىلى. Almex ءوز كەزەگىندە جەكە تۇلعالارعا تيەسىلى. اقپارات KASE بيرجاسىنىڭ سايتىنان الىندى»، - دەپ ءتۇمىندىردى راسۋل رىسمامبەتوۆ.

اۆتور
ورالحان قوجانوۆ