قۇلسارىدا 2,5 مىڭ جەكە تۇرعىن ءۇي مەن عيمارات سۋ استىندا قالدى، مىڭ بالا ەۆاكۋاتسيالانعان

اتىراۋ. KAZINFFORM - توتەنشە جاعدايلار مينيسترلىگى اتىراۋ وبلىسى قۇلسارى قالاسىنداعى سوڭعى احۋالدى جاريالادى.

5-ءساۋىر تۇنگى 22.45-تەگى جاعداي بويىنشا قۇلسارىدا 2500 گە جۋىق جەكە تۇرعىن ءۇي مەن اكىمشىلىك عيماراتتى سۋ باسقان.

قۇتقارۋشىلار جانە وزگە دە تارتىلعان كۇش-قۇرالدار حالىقتى ەۆاكۋاتسيالاۋدى جالعاستىرىپ جاتىر.

وسى ساعاتتا 4 مىڭنان استام ادام، ونىڭ ىشىندە 1 مىڭنان استام بالا قاۋىپسىز جەرگە كوشىرىلگەن.

ەسكە سالا كەتەلىك، بۇدان بۇرىن تاسقىن سۋدىڭ قاۋپىنە بايلانىستى جىلىوي اۋدانىندا توتەنشە جاعداي جاريالاندى.

كۇندىز قۇلسارىدان دوسسورعا دەيىنگى جولدىڭ ءبىر بولىگىن سۋ باستى.

بۇگىن تاسقىن سۋ قۇلسارى قالاسىنا كىرە باستادى.

اكىمدىكتى، الەۋمەتتىك نىساندار مەن ورتالىق ستاديوندى سۋ باستى.