ۇ ق ك شەكارا قىزمەتى وتكەن جىلى 55 مىڭنان استام قىلمىستى انىقتاعان
استانا. KAZINFORM - بۇل تۋرالى ۇ ق ك شەكارا قىزمەتىنىڭ 2024 -جىلعى ءىس- قيمىل ناتيجەلەرى تۋرالى مالىمەتتەردەن بەلگىلى بولدى.
باسپاءسوز قىزمەتىنىڭ حابارلاۋىنشا، ۇقك شەكارا قىزمەتى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا 2024 -جىلدا قۇزىرلى ورگاندارمەن ءوزارا ارەكەتتەسە وتىرىپ، ەلىمىزدىڭ شەكارا كەڭىستىگىندە 55 مىڭنان استام زاڭ بۇزۋ ارەكەتتەرىن انىقتاعان.
ولاردىڭ ىشىندە: 324 شەتەل ازاماتى شەكارانى بۇزعانى ءۇشىن ۇستالدى؛
383 شەتەل ازاماتىنىڭ شەكارانى بۇزۋ ارەكەتتەرىنىڭ جولى كەسىلدى.
مەملەكەتتىك شەكارا ارقىلى 15041 زاڭسىز الىپ ءوتۋ فاكتىلەرىنىڭ الدى الىندى، سونىڭ ىشىندە:
451 - ەسىرتكى زاتتارى (2 توننا 300 ك گ استام)؛
886 - قارۋ مەن وق- دارىلە؛
455 - ءدىني ادەبيەت (24087 دانا)؛
5283 - جالپى سوماسى 160 ميلليون تەڭگەدەن اساتىن جانار- جاعارماي ماتەريالدارى؛
6086 - جالپى سوماسى 70 ميلليارد تەڭگەدەن استام حالىق تۇتىنۋ تاۋارلارى؛
1880 - جالپى سوماسى 19 ميلليارد تەڭگەدەن استام شەتەل ۆاليۋتاسى.
• كاسپي اكۆاتورياسىندا 390 براكونەرلىك فاكتىلەرىنىڭ الدى الىندى، سونداي- اق:
196 دانا ءجۇزۋ قۇرالدارى؛
جالپى ۇزىندىعى 536 كم توردى قۇرايتىن براكونەرلىك اۋلاۋ قۇرالدارى؛
1994 دانا (11379 ك گ) بەكىرە تۇقىمداس بالىقتار؛
87814 دانا (98296 ك گ) ۇساق تۇقىمداس بالىقتار؛
117 دانا يتبالىعى. الدى الىنعان زالال سوماسى 4,6 ميلليارد تەڭگەنى قۇرايدى.
- بۇل فاكتىلەر بويىنشا ماتەريالدار بۇزۋشىلاردى جاۋاپقا تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى، - دەلىنگەن ۇ ق ك باسپا ءسوز قىزمەتىنىڭ حابارلاماسىندا.
