07:30, 28 - قىركۇيەك 2023 | GMT +6
قازگيدرومەت 28-قىركۇيەككە ارنالعان اۋا رايى بولجامىن جاريالادى
قازگيدرومەت ەل اۋماعىندا 28-قىركۇيەكتە بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى قازاقپارات.
«سولتۇستىك- باتىس انتيسيكلون جوتاسىنىڭ اسەرىنەن ەلىمىزدىڭ باتىس جارتىسىندا جاۋىن-شاشىنسىز اۋا رايى ساقتالادى، ال قالعان اۋماعىندا اتموسفەرالىق فرونتتاردىڭ اسەرىنەن جاڭبىر جاۋادى، وڭتۇستىكتە جانە ورتالىقتا نايزاعاي وينايدى. رەسپۋبليكا بويىنشا تۇندە جانە تاڭەرتەڭ تۇمان، وڭتۇستىكتە، وڭتۇستىك- شىعىستا، شىعىستا ەكپىندى جەل كۇتىلەدى»، - دەلىنگەن ۆەدومستۆو حابارلاماسىندا.
تۇركىستان وبلىسىندا، قىزىلوردا وبلىسىنىڭ ورتالىعىندا، شىعىسىندا، وڭتۇستىگىندە توتەنشە ءورت قاۋپى كۇتىلەدى.
جامبىل وبلىسىندا، قاراعاندى وبلىسىنىڭ وڭتۇستىگىندە جانە ۇلىتاۋ وبلىسىندا، باتىس قازاقستان وبلىسىنىڭ سولتۇستىگىندە جوعارى ءورت قاۋپى بار.
