قازاقستاننىڭ قىرعىزستانعا جانارماي جەتكىزۋدى توقتاتقانى راس پا

 استانادا قىرعىزستان مەن قازاقستان تەمىر جولدارى باسشىلىعى كەزدەسىپ، بيىلعى 9 ايدا جۇك تاسىمالداۋ كولەمىنىڭ ۇلعايعانىن اتاپ ءوتتى، دەپ حابارلايدى قازاقپارات «قازاقستان تەمىر جولى» ۇ ك» ا ق باسپا ءسوز قىزمەتىنە سىلتەمە جاساپ.

жанармай
Фото: Фото: ҚазАқпарат

ەكى ەل اراسىنداعى تەمىر جول كولىگىمەن جۇك تاسىمالداۋ كولەمى وتكەن جىلدىڭ سايكەس كەزەڭىمەن سالىستىرعاندا %10 عا ءوسىپ، 4 ميلليون تونناعا جەتكەن.

قازاقستان اۋماعى ارقىلى قىرعىزستانعا ترانزيت %11 عا، 2,6 ميلليون تونناعا دەيىن وسكەن.

قازاقستاننان قىرعىزستانعا ەكسپورت — 1,5 ميلليون توننا، مۇندا %16 ءوسىم بار.

تاراپتار ءبىرىنشى كەزەكتە قازاقستان اۋماعى ارقىلى الەۋمەتتىك ماڭىزى بار سيپاتتاعى جۇك ءترانزيتى بويىنشا بىرلەسكەن تاسىمالداۋ جوسپارلارىن تولىق كولەمدە كەلىسكەن.

«2023 -جىلدىڭ قازان ايىنا „قازاقستان تەمىر جولى“ ۇ ك» ا ق مۇناي ونىمدەرى ترانزيتىن 144 مىڭ توننا كولەمىندە ماقۇلداعان. بۇل رەتتە 24,5 مىڭ توننا مۇناي ونىمدەرى قىرعىز رەسپۋبليكاسىنا جەتكىزىلىپ جاتىر. وسىلايشا، كەزدەسۋدە قازاقستان بويىنشا قىرعىزستانعا ترانزيتتىك جۇكتەردىڭ، ونىڭ ىشىندە مۇناي ونىمدەرىنىڭ ءوتۋى بويىنشا پروبلەما جوق ەكەنى اتاپ ءوتىلدى. قازاقستان اۋماعى بويىنشا جانار- جاعارماي ءترانزيتىن توقتاتۋ تۋرالى اقپارات شىندىققا جاناسپايدى، قىرعىزستان نارىعىندا مۇناي ونىمدەرى تاپشىلىعى تۋىندايتىنى جونىندە الاڭداۋشىلىق نەگىزسىز»، — دەپ جازىلعان كومپانيانىڭ رەسمي مالىمدەمەسىندە.

قىرعىزستان مەن قازاقستاننىڭ تەمىرجول اكىمشىلىكتەرى جۇكتەردىڭ قوزعالىسىن تولىق باقىلايدى جانە جۇكتى مەجەلى جەرگە دەيىن ۇزدىكسىز جانە تۇراقتى جەتكىزۋدى قامتاماسىز ەتۋ ماقساتىندا تىعىز بايلانىستا بولادى.

قول جەتكەن ۋاعدالاستىققا سايكەس، «قازاقستان تەمىر جولى» ۇ ك» ا ق قازاقستان رەسپۋبليكاسى اۋماعى بويىنشا قىرعىز رەسپۋبليكاسىنا جانە كەرىسىنشە وتەتىن ترانزيتتىك جۇكتەردى ۋاقىتىلى ماقۇلداۋدى قامتاماسىز ەتەدى.

بۇعان دەيىن قىرعىزستاندىق «كابار» اقپارات اگەنتتىگى ەلدە جانار- جاعارماي تاپشىلىعى بولمايتىنىن، ترانزيتپەن ەش ماسەلە جوق ەكەنىن جازعان ەدى.

سوڭعى جاڭالىقتار