قازاقستاننىڭ قاي وڭىرلەرى ىشىمدىكتى كوپ ىشەدى - ستاتيستيكا

قازاقستاندا الكوگول نارىعى ءوسىپ كەلەدى، بۇل ءسپيرتتى ىشىمدىكتەردى ساتۋ كولەمىنىڭ ارتۋىنا تىكەلەي بايلانىستى. ءبىرىنشى جارتىجىلدىقتا ەل دۇكەندەرىنەن 2,4 ەسە كوپ كونياك جانە %29,4 كوبىرەك اراق، ءتۇرلى ليكەر مەن شاراپ ساتىپ الىنعان.

ۇلتتىق ستاتيستيكا بيۋروسىنىڭ ماماندارى شامپان (%3,2-) مەن سىرادان (%6,2-) باسقا بارلىق پوزيتسيالار بويىنشا ءوسىمدى بايقاپ وتىر.

بارلىق ساتىپ الىنعان (شاماسى ىشىلگەن) الكوگول كولەمى 425,7 ميلليون ليترگە جەتەدى. بۇل كورسەتكىشتىڭ %80 سىراعا تيەسىلى: بارلار، دۇكەندەر مەن مەيرامحانالار 347,8 ميلليون ليتر سىرا ساتقان.

وتكەن جىلى ق ر اۋماعىندا الكوگول ساتۋ كولەمى كۇرت وسكەن ەدى. وندا اراق بىردەن 2 ەسەگە، كونياك — %73,5- عا ساتىلدى. بۇل رەتتە رەسەيلىكتەردىڭ ەكى كوشى-قون تولقىنىنان باسقا تۇتىنۋدىڭ ايتارلىقتاي وسۋىنە ىقپال ەتەتىن سەبەپ بولماعان.

ۇلتتىق ستاتيستيكا بيۋرو دەرەكتەرىنە سۇيەنسەك، قازاقستان سپيرتتىك ىشىمدىكتەردى ءوندىرۋ بويىنشا ىشكى نارىقتىڭ قاجەتتىلىگىن جاپپايدى. مىسالى بيىل ءبىرىنشى جارتىجىلدىقتا وتاندىق سپيرت زاۋىتتارى ساتىپ الۋ سۇرانىسىن %87,2 عا قاناعاتتاندىرا الدى.

بارلىق ساتىپ الىنعان كونياكتىڭ ءاربىر ەكىنشى بوتەلكەسىندە Made in Kazakhstan جاپسىرماسى بولعان. قازاقستاندىق وندىرۋشىلەر دۇكەندەرگە كوبىرەك ءونىم جەتكىزە الار ەدى، ءبىراق ولار ءوز بيزنەسىن ءىشىنارا ەكسپورتقا باعىتتايدى. ەلدە وندىرىلگەن كونياكتىڭ ۇشتەن ءبىرى (%28,7) شەتەلگە كەتەدى.

شاراپ وندىرۋشىلەر ساتۋدىڭ ەكسپورتتىق باعىتتارىن ءالى يگەرگەن جوق. وندىرىلگەن شاراپتىڭ بارلىق كولەمى قازاقستاندا قالادى جانە يمپورتتىق جەتكىزۋشىلەرمەن باسەكەنى جالعاستىرۋدا.

ەلدەگى ساتىلىمنىڭ %34,4 شەتەلدىك شاراپ كومپانيالارىنا تيەسىلى. بۇل سۋسىننىڭ ءبىزدىڭ ەلگە ەڭ ءىرى ەكسپورتتاۋشىلارى — گرۋزيا مەن يتاليا. گرۋزيا مەن يتاليا شاراپتارىنىڭ ءدامى ءۇشىن قازاقستان جارتى جىلدا 12 ميلليون ا ق ش دوللارىن جۇمساعان.

قازاقستاندىقتار نەگىزىنەن جەرگىلىكتى سىرانى ىشەدى - ىشكى نارىقتىڭ %88,3 وتاندىق سىرا قايناتۋشىلار الادى. ەلىمىزدەگى ەڭ ءىرى سىرا وندىرۋشىلەر - شىمكەنت سىرا قايناتۋ زاۋىتى، قاراعاندىلىق Efes Kazakhstan، الماتىلىق Caspian جانە Carlsberg Kazakhstan، قوستانايلىق «اراسان»، ليساكوۆسكىدەگى «التىن ءومىر» جانە باسقالارى.

قالعان قاجەتتىلىكتى يمپورت جابادى، ول نەگىزىنەن رەسەيدەن كەلەدى.

بيىلعى جىلدىڭ ەكىنشى توقسانىندا قازاقستاندىقتار الكوگولدى ىشىمدىككە جۇمسالاتىن شىعىندارىن %13,1 عا ارتتىرعان. ستاتيستيكتەردىڭ ەسەبىنشە، بيىلعى ءساۋىر-ماۋسىم ايلارىندا ەلىمىزدىڭ ءبىر تۇرعىنىنا اراق، شاراپ جانە سىراعا جۇمسالعان شىعىندار شامامەن 1,5 مىڭ تەڭگەنى كورسەتتى.

بۇل كورسەتكىشتى تەك وتكەن جىلدىڭ سايكەس كەزەڭىمەن سالىستىرۋ ورىندى بولادى. ويتكەنى، قازاقستاندا سپيرتتىك ىشىمدىكتەردىڭ ساتىلۋى تۇتىنۋ مادەنيەتىنە بايلانىستى: مەرەكە كۇندەرى ىشىمدىك كوبىرەك ساتىلادى.

مۇنى ساندار دا راستايدى، ءتورتىنشى توقساندا - جاڭا جىل قارساڭىندا ادامدار الكوگولگە كوبىرەك اقشا جۇمسايدى جازدا شىعىندار ازايادى، ءبىراق بۇل جىلى مەزگىلدە قازاقستاندىقتار از ىشەدى دەگەندى بىلدىرمەيدى. ءسپيرتى كۇشتى ىشىمدىكتەر ەمەس، ارزانىراق سىرانى ءىشۋ كورسەتكىشتەرى ارتادى.

2023-جىلدىڭ ەكىنشى توقسانىندا شىعىس قازاقستان وبلىسىنىڭ تۇرعىندارى الكوگولگە كوپ اقشا جۇمساعان. رەسپۋبليكا بويىنشا جالپى شىعىن كورسەتكىشى 1,5 مىڭ تەڭگە بولسا، ش ق و- دا 2,2 ەسە كوپ - 3,4 مىڭ تەڭگە.

پاۆلودار جانە سولتۇستىك قازاقستان وبلىستارىندا دا 3,1 مىڭ تەڭگە كولەمىندە بايقالعان. بۇل سوماعا قاراعاندىلىقتاردىڭ (2,9 مىڭ تەڭگە) جانە الماتىلىقتاردىڭ (2,8 مىڭ تەڭگە) دا شىعىندارى شامالاس.

كەرىسىنشە الكوگولگە جۇمسالاتىن ەڭ از سوما ماڭعىستاۋ وبلىسىندا تىركەلگەن، بۇل قاتارعا وڭتۇستىك جانە باتىستاعى بىرنەشە ءوڭىر كىرگەن.