قازاقستاننىڭ گۋمانيتارلىق كومەگى قىرعىزستانعا جەتتى

بىشكەك. KAZINFORM - قىرعىز رەسپۋبليكاسىنا قازاقستاننىڭ گۋمانيتارلىق جۇگى تاپسىرىلدى.

5- ناۋرىزدا مەملەكەتتىك ماتەريالدىق رەزەرۆتەن تيەلگەن 1000 توننا ديزەل وتىنى رەسمي تۇردە قىرعىز رەسپۋبليكاسىنا بەرىلدى.

گۋمانيتارلىق كومەك ق ر پرەزيدەنتى قاسىم-جومارت توقايەۆتىڭ تاپسىرماسىنا سايكەس، سونداي-اق KazAID قازاقستاندىق حالىقارالىق دامۋ اگەنتتىگىنىڭ قولداۋىمەن كورسەتىلدى.

1000 توننا ديزەل وتىنىنىڭ ەكىنشى پارتياسى ىستىقكول وبلىسىنداعى بالىقشى ستانتسياسىنا جونەلتىلدى.

تاپسىرۋ قازاقستاننىڭ قىرعىزستانداعى ەلشىسى ءراپىل جوشىبايەۆ پەن قىرعىز رەسپۋبليكاسىنىڭ ەنەرگەتيكا ءمينيسترى تاالايبەك يبرايەۆتىڭ قاتىسۋىمەن جۇزەگە استى.