قازاقستاننىڭ حالىقارالىق ءىس-شارالار وتكىزۋدە تاجىريبەسى مول - ق ح ر-دىڭ بۇرىنعى ەلشىسى

استانا. قازاقپارات - 2025 -جىلى قازاقستاندا «ورتالىق ازيا + قىتاي» Ⅱ سامميتىن وتكىزۋ حالىقارالىق قوعامداستىقتىڭ نازارىن اۋدارتادى. بۇل تۋرالى قىتاي حالىقارالىق زەرتتەۋ قورىنىڭ عىلىمي قىزمەتكەرى، ق ح ر س ءى م جانىنداعى ازيا مەن افريكا دامۋ جانە الماسۋ كەڭەسىنىڭ مۇشەسى، قىتايدىڭ قازاقستانداعى بۇرىنعى ەلشىسى ياو پەيشەن ايتتى.

قىتاي ساراپشىسىنىڭ ايتۋىنشا، سوڭعى جىلدارى ورتالىق ازيا ەلدەرى ءۇشىن ەكونوميكالىق دامۋ مەن ءوز ازاماتتارىنىڭ ءومىر ءسۇرۋ ساپاسىن جاقسارتۋ باستى باسىمدىق بولىپ تۇر.

- ورتالىق ازيانىڭ بارلىق ەلى وڭىردەن تىس ينۆەستيسيالاردى بەلسەندى تۇردە تارتىپ، سونىمەن بىرگە وڭىرىشىلىك ەكونوميكالىق بايلانىستى نىعايتا ءتۇسۋى قىزىقتى ءۇردىس. وڭىردە ساياسي تۇراقتىلىق ساقتالىپ، ورتالىق ازيانىڭ بەس ەلى اراسىنداعى ءوزارا بايلانىس كۇشەيۋدە جانە ءوزارا سەنىم دەڭگەيى ارتىپ كەلەدى، - دەپ اتاپ ءوتتى ياو پەيشەن.

مۇنان ارى ول 2022 -جىلى «ورتالىق ازيا - قىتاي» ىنتىماقتاستىق تەتىگىن قۇرۋ تۋرالى اقپارات حالىقارالىق قاتىناستارداعى ماڭىزدى وقيعا بولعانىن ايتادى.

- بۇل تەتىكتى قۇرۋ جاڭاشىل جانە يننوۆاتسيالىق سيپاتقا يە ءارى ازياعا، ءتىپتى حالىقارالىق لاندشافتقا تارايتىن ۇلكەن اسەر بەرەدى. «ورتالىق ازيا - قىتاي» ەكىنشى سامميتىن وتكىزۋ - قازاقستان ءۇشىن وسى جىلعى ماڭىزدى ديپلوماتيالىق وقيعا. ول مىندەتتى تۇردە حالىقارالىق قوعامداستىقتىڭ نازارىن اۋدارادى. قازاقستان كوپتەگەن حالىقارالىق ءىرى ءىس-شارانى تابىستى وتكىزۋدى مول تاجىريبە جيناقتادى. قازاقستاندا «ورتالىق ازيا - قىتاي» ەكىنشى سامميتى جوعارى ۇيىمداستىرۋشىلىق دەڭگەيدە وتەتىنىنە سەنىمدىمىن»، - دەپ تۇيىندەدى ءسوزىن ياو پەيشەن.

ايتا كەتەيىك، قىتاي سىرتقى ىستەر مينيسترلىگى ترامپ- پۋتين كەلىسسوزىنە پىكىر ءبىلدىردى.

اۆتور

مارلان جيەمباي