قازاقستاننىڭ فرانسياداعى ەلشىلىگى اۋماعىندا وليمپياداشىلاردىڭ فوتوكورمەسى اشىلدى
استانا. KAZINFORM - قازاقستاننىڭ فرانسياداعى ەلشىلىگىنىڭ اۋماعىندا 26-شىلدە مەن 11-تامىز ارالىعىندا پاريجدە وتەتىن XXXIII جازعى وليمپيادا ويىندارىنا قاتىساتىن قازاقستان ۇلتتىق قۇراماسىنا ارنالعان فوتوكورمە اشىلدى.
ق ر تۋريزم جانە سپورت مينيسترلىگى مەن قازاقستان ۇلتتىق كوميتەتىنىڭ قولداۋىمەن ۇيىمداستىرىلعان كورمەدە بوكس، دزيۋدو، تەننيس، تاەكۆوندو، سەمسەرلەسۋ، كۇرەس، كوركەم گيمناستيكا جانە ۆەلوسپورت سياقتى ەلىمىزدىڭ ءبىرقاتار سپورت تۇرلەرى شەبەرلەرىنىڭ سۇرەتتەرى بەينەلەنگەن.
«وتانداستارىمىزدى سپورتتىڭ 25 تۇرىنەن 81 مەدال جيىنتىعىنا تالاساتىن سپورتشىلارىمىزعا قولداۋ كورسەتۋگە، ال فرانسيا استاناسىنىڭ تۇرعىندارى مەن قوناقتارىن كورمەنى تاماشالاۋعا شاقىرامىز»، - دەپ جازىلعان قازاقستاننىڭ فرانسياداعى ەلشىلىگىنىڭ رەسمي سايتىندا.
ايتا كەتەيىك، وسىعان دەيىن اتاپ وتكەنىمىزدەي، كەشە پاريجگە سپورتشىلارىمىزدىڭ العاشقى لەگى جەتتى. سونداي-اق، بۇگىن بوكسشىلارىمىز پاريجگە اتتانعانىن جازعان بولاتىنبىز.
فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىندا وتەدى. ويىندارعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.
اۆتور
كۇنسۇلتان وتارباي
