قازاقستاننىڭ التىن قورى قانشا جىلعا جەتەتىنى بەلگىلى بولدى
استانا. KAZINFORM - ونەركاسىپ جانە قۇرىلىس مينيسترلىگى ەلىمىزدىڭ پايدالى قازبالارمەن قامتاماسىز ەتىلۋ مەرزىمىنە قاتىستى جاڭارتىلعان دەرەكتەردى جاريالادى.
قازاقستان - تابيعي رەسۋرستارعا باي ەل بولىپ قالا بەرەدى. سوڭعى دەرەكتەرگە سايكەس، قازىرگى ءوندىرۋ كولەمىن ەسكەرسەك، نەگىزگى پايدالى قازبالارمەن قامتاماسىز ەتىلۋ مەرزىمى مىناداي:
التىن - 30 جىل
مىس - 38 جىل
قورعاسىن - 156 -جىل
تەمىر كەندەرى - 957 جىل
كومىر - 350 جىل
سول سياقتى تۇراقتىلىق مارگانەتس، تيتان، موليبدەن جانە باسقا دا ستراتەگيالىق ماڭىزدى پايدالى قازبالار بويىنشا دا بايقالادى.
- بۇل - قازبالاردى ۇتىمدى پايدالانىپ، گەولوگيالىق بارلاۋ جۇمىستارىن جۇيەلى جۇرگىزۋ ارقىلى قازاقستان ءوز رەسۋرستىق الەۋەتىن ساقتاپ قانا قويماي، جاھاندىق شيكىزات نارىعىنداعى ورنىن ودان ءارى نىعايتا الادى دەگەن ءسوز. رەسۋرستىق بازا تۇراقتىلىعى - ينۆەستيتسيا تارتۋدىڭ، تاۋ- كەن ونەركاسىبىن دامىتۋدىڭ جانە ەلدىڭ ەكونوميكالىق قاۋىپسىزدىگىن قامتاماسىز ەتۋدىڭ نەگىزگى تىرەگى، - دەپ اتاپ ءوتتى ۆەدومستۆو.
