قازاقستاننىڭ اۋە تاسىمالى شتاتتىق رەجيمدە جۇمىس ىستەپ تۇر

  30-31-جەلتوقسانعا قاراعان ءتۇنى استانا اۋەجايىنان ۇشاقتاردىڭ ۇشۋى مەن قونۋى قايتا جانداندى.

اۋەايلاقتاعى اۋا- رايى تۇراقتالدى، قازىرگى ۋاقىتتا اۋە ايلاق شتاتتىق رەجيمدە جۇمىس ىستەۋدە. بۇل تۋرالى ق ر كولىك مينيسترلىگىنىڭ باسپا ءسوز قىزمەتى حابارلادى.

قۇرامىنا ق ر كولىك مينيسترلىگىنىڭ، ازاماتتىق اۆياتسيا كوميتەتىنىڭ، قازاقستاننىڭ اۆياتسيالىق اكىمشىلىگىنىڭ، قازاەروناۆيگاتسيانىڭ، اۋەجايدىڭ جانە قازاقستان استاناسىنا ۇشۋدى جۇزەگە اسىراتىن بارلىق اۆياكومپانيالاردىڭ باسشىلارى مەن جاۋاپتى قىزمەتكەرلەرى ەنگەن جەدەل شتاب ءوز جۇمىسىن جالعاستىرۋدا.

2023 -جىلعى 31 -جەلتوقساندا ەلوردا اۋەجايىندا 206 رەيس (101 ۇشىپ كەلۋ ، 105 ۇشۋ) ورىنداۋ جوسپارلانعان. ونىڭ ىشىندە 39 رەيس كەشىكتىرىلەدى (25 - ۇشىپ كەلەتىن، 14 ۇشاتىن) جانە 29 رەيس توقتاتىلدى (13 ۇشىپ كەلەتىن، 16 ۇشاتىن).

الماتى قالاسىنىڭ اۋەجايى دا شتاتتىق رەجيمدە جۇمىس ىستەيدى. بۇگىن 31 -جەلتوقساندا 181 رەيسكە قىزمەت كورسەتۋ جوسپارلانۋدا (82 ۇشىپ كەلۋ، 99 ۇشۋ)، 38 كەشىكتىرىلدى (28 ۇشىپ كەلۋ، 10 ۇشۋ)، 3 رەيس توقتاتىلدى.

اقتاۋ قالاسىنىڭ اۋەجايىندا كورۋ مۇمكىندىگى 350 م. 31.12.2023 ج. جوسپار بويىنشا رەيستەردىڭ جالپى سانى 45 (26 ۇشىپ كەلۋ، 19 ۇشۋ)، 22 رەيس كەشىكتىرىلەدى (13 ۇشىپ كەلۋ، 9 ۇشۋ)، 4 رەيس توقتاتىلدى ( 2 ۇشىپ كەلۋ ، 2 ۇشۋ).

ايتا كەتەيىك، 2023 -جىلعى 30-جەلتوقساندا استانا اۋەجايىندا اۋا رايى قولايسىز بولدى (ەكپىنى 23 م/س دەيىن جەل، ناشار كورىنۋ، 100-150 مەتر، تومەن قارلى بوران سوعىپ، قار جاۋدى). اۋە كەمەلەرىن مۇزعا قارسى وڭدەۋدى جۇرگىزۋ مۇمكىن بولماعاندىقتان جانە بوس تۇراقتاردىڭ بولماۋىنا بايلانىستى استانا قالاسىنىڭ اۋەجايى رەيستەردى قابىلداۋعا شەكتەۋ ەنگىزدى.

رەيستەرى كەشىكتىرىلگەن جولاۋشىلارى ءۇشىن قالىپتاسقان جاعدايعا بايلانىستى مىناداي شارالار قابىلداندى:

- اۆياكومپانيالار قوناق ۇيدە 115 جولاۋشىنى ورنالاستىردى (Air Astana-43, Fly Arystan-19, SCAT - 30, Qazaq Air-23)؛

- استانا قالاسىنىڭ اۋەجايىندا 5 بالا جانە 2 ەرەسەك ەرىپ ءجۇرۋشى ورنالاستىرىلدى؛

رەيستەرى كەشىكتىرىلگەن جولاۋشىلار ءۇشىن قولايلى جاعداي قامتاماسىز ەتۋ ماقساتىندا استانا قالاسىنىڭ اۋەجايى بارلىق ۇشاتىن جولاۋشىلار ءۇشىن:

- 3590 پورتسيا تاماق (ىستىق تاماق جانە دونەرلەر)؛

- شاي، كوفە، سۋ، شىرىن؛

- بالالارعا ارنالعان شىرىن مەن شوكولاد؛

- مۋزىكانتتار مەن انيماتورلاردىڭ قاتىسۋىمەن وتەتىن مادەني- بۇقارالىق ءىس- شارالار ۇيىمداستىردى.

Air Astana اۋەكومپانياسى ءوز جولاۋشىلارىنا اۋەجايدا جانە اۋە كەمەسىنىڭ بورتىندا 3455 پورتسيا ىستىق جانە جەڭىل تاماق بەردى.

2-تەرمينالدىڭ D01, D02, DO5 جانە D06 شىعۋ ەسىگىندە 4 ۇستەل تاماق پەن الكوگولسىز سۋسىن تاراتىلدى (ىشكى رەيستەر).