قازاقستاننان توكيوعا تىكەلەي رەيس اشىلۋى مۇمكىن
استانا. KAZINFORM - ازاماتتىق اۆياتسيا كوميتەتى توكيوعا رەيستەردىڭ اشىلۋىنا قاتىستى پىكىر ءبىلدىردى.
ق ر ك م ازاماتتىق اۆياتسيا كوميتەتى توكيوعا رەيستەردى اشۋ بويىنشا جۇيەلى جۇمىس جۇرگىزىپ جاتىر.
وسىلايشا، Air Astana جانە Japan Airlines ەكى اۆياكومپانياعا 2026-جىلدىڭ كوكتەمىنە جوسپارلانعان الماتىدان توكيوعا جاڭا رەيستە ءوز كودتارىن ورنالاستىرۋعا مۇمكىندىك بەرەتىن كودشەرينگتىك كەلىسىم جاساسقان.
«بۇل قۇجات ىسكەرلىك جانە تۋريستىك ساپارلار ءۇشىن قازاقستان مەن جاپونيا اراسىنداعى اۋە قاتىناسىنىڭ مۇمكىندىكتەرىن كەڭەيتەدى، سونداي-اق ەكى ەل اراسىنداعى جولاۋشىلار مەن جۇك تاسىمالىنىڭ وسۋىنە ىقپال ەتەدى. جاپونيا مەن قازاقستان اراسىنداعى ديپلوماتيالىق قاتىناستار 1992-جىلى ورناتىلدى»، - دەلىنگەن حابارلامادا.
مارشرۋتتار مەن كەستەلەر تۋرالى قوسىمشا اقپارات ەكى اۆياكومپانيانىڭ بيلەتتەرىن جوسپارلاۋ جانە ساتۋ جۇيەلەرىن بىرىكتىرگەننەن كەيىن جاريالانادى.
