قازاقستاننان ءىرى قارا مال ەتىن ەكسپورتتاۋ ۋاقىتشا شەكتەلەدى
استانا. KAZINFORM - اۋىل شارۋاشىلىعى مينيسترلىگى «قازاقستان رەسپۋبليكاسى اۋماعىنان ءىرى قارا مالدىڭ (سيىر ەتىنىڭ) ەتىن ەكسپورتتاۋدىڭ كەيبىر ماسەلەلەرى تۋرالى» بۇيرىق جوباسىن ازىرلەدى.
- قازاقستان رەسپۋبليكاسىنىڭ اۋماعىنان 2025 -جىلعى 31-جەلتوقسانعا دەيىن ءىرى قارا مال ەتىن (سيىر ەتىن) (ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋار نومەنكلاتۋراسىنىڭ كودتارى: 0201 - ءىرى قارا مال ەتى، جاڭا سويىلعان نەمەسە سالقىنداتىلعان جانە 0202 - ءىرى قارا مال ەتى، مۇزداتىلعان) قازاقستان رەسپۋبليكاسىنىڭ اۋماعىنان ءۇشىنشى ەلدەرگە جانە ەۋرازيالىق ەكونوميكالىق وداق ەلدەرىنە شىعارۋعا ساندىق شەكتەۋلەر (كۆوتالار) ەنگىزۋ كوزدەلگەن، - دەلىنگەن بۇيرىق ماتىنىندە.
قۇجات بيىلعى جىلدىڭ 22-قازانىنا دەيىن كوپشىلىك تالقىلاۋىنا شىعارىلعان.
قۇجات 2025 -جىلعى 29-تامىزداعى سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ شەشىمى نەگىزىندە ازىرلەنگەن.
