قازاقستانمەن بۇدان دا جەمىستى ىنتىماقتاستىققا ۇمىتتەنەمىز - قاتار ءامىرى
استانا. KAZINFORM - قاتار ءامىرى شەيح ءتاميم بەن حاماد ءال تاني قازاقستان پرەزيدەنتى قاسىم-جومارت توقايەۆتىڭ دوحاعا ساپارىنىڭ قورىتىندىسىنا كوڭىلى تولاتىنىن ءبىلدىردى.
«ءبىز پرەزيدەنت قاسىم-جومارت توقايەۆتىڭ ساپارىنا جانە ءبىزدىڭ قاتار مەن قازاقستان اراسىنداعى ساۋدا-ەكونوميكالىق قارىم-قاتىناستاردى دامىتۋ ماسەلەلەرىنە قاتىستى پىكىرتالاستارىمىزعا ريزامىز. ءبىز دوستاس ەكى ەل اراسىنداعى ىنتىماقتاستىقتى دامىتۋ مەحانيزمدەرى جايلى كەلىستىك جانە ودان دا جەمىستى ىنتىماقتاستىققا، ورتاق ۇمتىلىستار مەن قالاعان امبيتسيالارعا سايكەس تۇراقتى سەرىكتەستىك ورناتۋعا ءۇمىت ارتامىز، - دەپ اتاپ ءوتتى قاتار ءامىرى ح الەۋمەتتىك جەلىسىندە.
ەسكە سالا كەتەيىك، پرەزيدەنت قاسىم-جومارت توقايەۆ قاتارعا مەملەكەتتىك ساپارمەن بارعانىن حابارلاعان بولاتىنبىز.
پرەزيدەنت قاسىم-جومارت توقايەۆ پەن قاتار ءامىرى ءبىرقاتار قۇجاتقا قول قويدى.
