قازاقستاندىقتارعا ەۋرووداق ەلدەرىنە ۆيزالىق رەجيم جۋىردا جەڭىلدەۋى مۇمكىن
استانا. KAZINFORM - ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ وتانداستارىمىزعا ەۋروپا ەلدەرىنە ۆيزا الۋ وڭايلاتىلۋى مۇمكىن ەكەنىن ايتتى.
ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى، ەۋروكوميسسيانىڭ ۆيتسە-پرەزيدەنتى جوزەپ بوررەللدىڭ استاناعا رەسمي ساپارى بارىسىندا قازاقستاندىقتار ءۇشىن ەۋرووداق ەلدەرىنە ۆيزالىق رەجيمدى جەڭىلدەتۋگە ۋاعدالاستى.
«كەزدەسۋدىڭ ماڭىزدى باعىتتارىنىڭ ءبىرى - قازاقستان ازاماتتارى ءۇشىن ەۋرووداقتىڭ ۆيزالىق رەجيمىن جەڭىلدەتۋ. دوكتور جوزەپ بوررەللمەن وسى ءتۇيىندى شارۋانىڭ وڭ شەشىمىن جۋىق ارادا تابۋ ماقساتىندا كۇش- جىگەر جۇمىلدىرۋعا ۋاعدالاستىق»، - دەدى مۇرات نۇرتىلەۋ ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلىمەن كەزدەسۋدەن كەيىن ب ا ق وكىلدەرى الدىندا.
بۇعان دەيىن ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ سوڭعى جىلدارى قازاقستان مەن ەۋرووداق ەلدەرى اراسىندا ءوزارا سەنىم، سىيلاستىق پەن ورتاق باسىمدىقتارعا نەگىزدەلگەن بەرىك قارىم-قاتىناس ورناعانىن مالىمدەگەن ەدى.
اۆتور
داۋلەت ىزتىلەۋ
