قازاقستاندىقتار تۇركياعا ساپارلاۋ رەكوردىن جاڭارتتى

استانا. KAZINFORM - بيىلعى جازدا قازاقستاندىقتار تۇركياعا جاساعان ساپار سانى بويىنشا 2014-جىلدان بەرى بۇزىلماي كەلە جاتقان رەكوردتى جاڭارتتى.

تۇركيانىڭ مادەنيەت جانە تۋريزم مينيسترلىگى كەلتىرگەن دەرەككە سۇيەنگەن ءبىرىنشى كرەديتتىك بيۋرو وسىنداي مالىمەت ۇسىنعان.

تۇركيا تارابىنىڭ مالىمەتى بويىنشا، بيىلعى شىلدە-تامىز ارالىعىندا تۇركيادا 4404 مىڭ قازاقستان ازاماتى كىرگەن. بۇل بىلتىرعىدان 7 پايىز كوپ دەگەن ءسوز 2014-جىلدان بەرى تىركەلمەگەن جوعارى كورسەتكىش بولىپ ەسەپتەلەدى.

بيىل تۇركياداعى دەمالىس ايتارلىقتاي قىمباتتاعان بولاتىن. اتاپ ايتساق، جولدامالار قۇنى شىلدەدە %35,5، تامىزدا %39,3 كوتەرىلگەن ەدى. تۇركيا دەپ تەلمىرگەن قازاقستاندىقتارعا بۇل دا توسقاۋىل بولماعانعا ۇقسايدى.

ءبىراق تۇركيا تارابى ۇسىنعان مالىمەت بۇل ەلگەن تۋريستىك جولدامامەن بارعان ازاماتتاردىڭ سانى دەگەن ءسوز ەمەس. ەلگە كىرگەن ازاماتتاردىڭ ءبارىن ەسەپكە العان. ياعني، كەلۋشىلەردى ماقساتىنا، ساپار مەرزىمىنە قاراي جىكتەمەگەن. الايدا بىلتىر قازاقستاندىقتار تۋريست رەتىندە ەڭ كوپ باراتىن جەر انتاليا ەكەنى ايتىلعان.