قازاقستاندىقتار ۇلى بريتانيانىڭ كەيبىر قالالارىنا بارماعانى ءجون - ەلشىلىك
استانا. KAZINFORM – ق ر ۇلى بريتانيا جانە سولتۇستىك يرلانديا بىرىككەن كورولدىگىندەگى ەلشىلىگى ۇلى بريتانيانىڭ ءبىرقاتار ايماقتارىنا بارۋ بويىنشا ۇسىنىستار بەردى.
- ەلدىڭ ءبىرقاتار وڭىرىندەگى جاعدايدىڭ شيەلەنىسۋىنە بايلانىستى قازاقستان ازاماتتارىنا روتەرحەم، بولتون، بلەكپۋل، حالل، بريستول، ستوك- ون- ترەنت، بەلفاست، سونداي- اق مانچەستەر جانە ليۆەرپۋل قالالارىنىڭ ماڭىنداعى قالالارعا وسى وڭىرلەردەگى جاعداي تۇراقتانعانعا دەيىن ۋاقىتشا بارۋدان باس تارتۋ ۇسىنىلادى. قازىرگى ۋاقىتتا اتالعان ەلدى مەكەندەردە جۇرگەن قازاقستان ازاماتتارىنان قاۋىپسىزدىك شارالارىن ساقتاۋدى، قىراعىلىق پەن ساقتىق تانىتۋدى، ادامدار كوپ جينالاتىن ورىندارعا بارۋدان باس تارتۋدى، سوڭعى جاڭالىقتاردى قاداعالاۋدى، سونداي - اق ۇلى بريتانياداعى قازاقستان ەلشىلىگىمەن بايلانىستا بولۋدى سۇرايمىز، - دەلىنگەن ەلشىلىكتىڭ Instagram پاراقشاسىندا جاريالانعان حابارلامادا.
قوسىمشا جانە جەدەل اقپارات الۋ ءۇشىن ۇلى بريتانيا اۋماعىنداعى ق ر ازاماتتارى مەن ولاردىڭ قازاقستانداعى تۋىستارى ءۇشىن شۇعىل بايلانىس جەلىلەرى بار.
ق ر ۇلى بريتانياداعى ەلشىلىگىنىڭ بايلانىستارى
447900511535 (موبيلدى بايلانىس)
پوشتا: consul@kazembassy.org.uk
