قازاقستاندىق پيانيست لوندونداعى بەدەلدى بايقاۋدا ءبىرىنشى ورىندى يەلەندى

استانا. KAZINFORM - جامبىل اتىنداعى قازاق مەملەكەتتىك اكادەميالىق فيلارمونياسىنىڭ سوليسى (پيانيست) جانار سۇلەيمانوۆا ۇلى بريتانيانىڭ لوندون قالاسىندا وتكەن «World talent award» حالىقارالىق بايقاۋىندا ءبىرىنشى ورىندى يەلەندى.

شەبەرلىك پەن كاسىبيلىكتىڭ جوعارى دەڭگەيىن كورسەتكەن ول 71 مەملەكەتتەن قاتىسقان ونەرپازداردىڭ اراسىنان ۇزدىك شىقتى، دەپ حابارلايدى ق ر مادەنيەت جانە سپورت مينيسترلىگىنىڭ باسپا ءسوز قىزمەتى.

جانار سۇلەيمانوۆا – ا ق ش، يتاليا جانە فرانسياداعى حالىقارالىق بايقاۋلاردىڭ لاۋرەاتى. كونتسەرتتىك قىزمەتى جىلدارىندا جۇزدەگەن كونسەرتتەر بەردى. ولاردىڭ ىشىندە ءار ءتۇرلى باعدارلامالارى مەن رەپەرتۋارلارىمەن 130 دان استام كلاۆيرابەندتەر بار. پيانيست حالىقارالىق ارەنادا، اتاپ ايتقاندا، رەسەيدە، يتاليادا، گەرمانيادا، ا ق ش- تا جانە باسقا دا كوپتەگەن ەلدەردە گاسترولدىك ساپارلارعا شىعىپ، قازاقستاندى الەمگە تانىستىرىپ ءجۇر.

«GOLDEN TIME TALENT» - شىعارماشىلىق توپتار مەن جەكە ورىنداۋشىلارعا ارنالعان حالىقارالىق بايقاۋلار مەن فەستيۆالدەردى ۇيىمداستىرۋدا الەمدىك كوشباسشى جوبا. الەمنىڭ تۇكپىر-تۇكپىرىنەن سۋرەتشىلەر، مۋزىكانتتار، ۆوكاليستەر، بيشىلەر سىندى ونەرپازداردى جيناپ، باق سىناساتىن ونەر سايىسى بيىل ءتورتىنشى رەت وتكىزىلىپ وتىر.