قازاقستاندىق وقۋشىلار حالىقارالىق فيزيكا وليمپياداسىندا 1-ورىن الدى

استانا. KAZINFORM - رەسەيدىڭ حانتى-مانسيسك قالاسىندا حالىقارالىق عىلىمي فيزيكا وليمپياداسى (ISPhO-2025) مارەسىنە جەتتى. ءبىلىم بايگەسىندە قازاقستان قۇراماسى جالپىكوماندالىق ەسەپتە 1-ورىندى يەلەنىپ، الەمدىك كوشباسشىلار قاتارىنا ەندى.

Қазақстандық оқушылар Халықаралық физика олимпиадасында 1-орын алды
Фото: Оқу-ағарту министрлігі

وقۋ-اعارتۋ مينيسترلىگى مالىمەتىنشە، الەمنىڭ 21 ەلىنەن كەلگەن قاتىسۋشىلار اراسىندا 5 جاس قازاقستاندىق ەلگە ون ماراپاتپەن ورالدى.

وليمپيادا ەكى نەگىزگى كەزەڭنەن تۇردى: تەوريالىق جانە ەكسپەريمەنتتىك كەزەڭ. ءار قاتىسۋشى جەكە ەسەپتە ەكى باعىت بويىنشا باعالاندى.

جارىس قورىتىندىسى بويىنشا الماتى قالاسى «ميراس» مەكتەبىنىڭ 11-سىنىپ وقۋشىسى رومان چەرەمنوۆ، قوستاناي وبلىستىق «ءبىلىم-يننوۆاتسيا» ليتسەيىنىڭ 10-سىنىپ وقۋشىسى تاير ءابدىقادىر، استانا قالاسىنداعى ر ف م م- ءنىڭ 11-سىنىپ وقۋشىسى التاير اكانوۆ، الماتى قالاسىنداعى ر ف م م- ءنىڭ 10-سىنىپ وقۋشىسى يلياس قازىمبەك كۇمىسپەن كۇپتەلدى. سونداي-اق استانا قالاسى «NURORDA» مەكتەپ-ليتسەيىنىڭ 11-سىنىپ وقۋشىسى دانيەل تيۋليۋبايەۆ قولا جۇلدەگە قول جەتكىزدى.

Қазақстандық оқушылар Халықаралық физика олимпиадасында 1-орын алды
Фото: Оқу-ағарту министрлігі

تەوريالىق اينالىم ناتيجەلەرى بويىنشا 1-دارەجەلى ديپلوممەن رومان چەرەمنوۆ پەن يلياس قازىمبەك؛ 2-دارەجەلى ديپلوممەن دانيەل تيۋليۋبايەۆ، تاير ءابدىقادىر جانە التاير اكانوۆ ماراپاتتالدى.

Қазақстандық оқушылар Халықаралық физика олимпиадасында 1-орын алды
Фото: Оқу-ағарту министрлігі

ايتا كەتەيىك، وقۋشىلارعا سامات ماكسۋتوۆ (PhD دوكتور) پەن نازارالي ايتجانوۆ (CDU دوتسەنتى) جەتەكشىلىك ەتتى.

بۇعان دەيىن قازاقستاندىق وقۋشىلاردىڭ ليتۆاداعى ەۋروپا وليمپياداسىندا 7 مەدال جەڭىپ العانىن جازعان ەدىك.

سوڭعى جاڭالىقتار