قازاقستاندىق سپورتشىنىڭ اكەسى قىزى قايتىس بولعاننان كەيىن ۇيىنەن ايىرىلا جازداعان
استانا. KAZINFORM — قازاقستاننىڭ جوعارعى سوتى سپورتشىنىڭ اكەسى قايتىس بولعاننان كەيىن ونىڭ پاتەرگە قۇقىعىن قالپىنا كەلتىرۋ تۋرالى حابارلادى.

2022-جىلى سەمەي قالاسىنىڭ تۇرعىنى كاشياس-دۋ-سۋلدا (برازيليا) وتكەن XXIV جازعى سۋردوليمپيادا ويىندارىندا سۋردودزيۋدو بويىنشا وتكەن جارىستا قولا مەدال جەڭىپ العان. وعان مەملەكەتتىك تۇرعىن ءۇي قورىنان مەملەكەتتىك قىزمەتشىلەردى جالداۋ شارتىن جاساسۋ ارقىلى قىزمەتتىك پاتەر بەرىلگەن.
سپورتشى 2023-جىلى قايتىس بولعان. ال تۇرعىن ءۇي قاتىناستارى ءبولىمى مارقۇمنىڭ اكەسى مۇراگەرلىك قۇقىعىنا كۋالىك العانىنا قاراماستان، تۇرعىن ءۇيدى جالداۋ شارتىن ءبىرجاقتى تارتىپتە بۇزعان.
سپورتشىنىڭ اكەسى تۇرعىن ءۇي قاتىناستارى ءبولىمى مەن قالا اكىمىنىڭ وزىمەن شارت جاساسۋدان باس تارتۋىنا شاعىمدانىپ، ونىمەن پاتەرگە مەنشىك قۇقىعىن وتەۋسىز بەرۋ تۋرالى شارت جاساسۋعا ماجبۇرلەۋ تۋرالى سوتقا تالاپ قويۋمەن جۇگىنگەن.
ق ر ۇلتتىق سۋردليمپيادالىق كوميتەتى تالاپ قويۋدى قولداپ، سپورتشىنىڭ جەتىستىگىن قازاقستانداعى سۋردليمپيادالىق قوزعالىستىڭ ىلگەرىلەۋىن كورسەتەتىن ماڭىزدى وقيعا دەپ اتاعان. دەنە شىنىقتىرۋ جانە سپورت باسقارماسى سپورتشىنى باسپانامەن قامتاماسىز ەتۋ بويىنشا قابىلدانعان شارالاردى اتاپ وتكەن. اباي اۋدانىنىڭ م ا ا س- ى ءىستى قاراپ، ول پاتەر سپورتشىعا سۋردليمپيادا ويىندارىنىڭ جۇلدەگەرى رەتىندە بەرىلگەنىن، ءبىراق قىزمەتتىك تۇرعىن ءۇي رەتىندە تىركەلگەنىن كورسەتتى.
سپورتشىنىڭ اكەسى زاڭدى مۇراگەر بولا وتىرىپ، تۇرعىن ءۇي قاتىناستارى بولىمىنە داۋلى پاتەردى وزىنە قالدىرۋ تۋرالى وتىنىشپەن جۇگىنگەن.
«سوت تۇرعىن ءۇي قاتىناستارى ءبولىمىنىڭ تالاپ قويۋشىنىڭ وتباسى مۇشەسى ەمەس ەكەندىگى تۋرالى دالەلدەرىن نەگىزسىز دەپ تاپتى. سونداي-اق، مۇراگەرمەن شارت جاساسۋدان باس تارتۋ «دەنە شىنىقتىرۋ جانە سپورت تۋرالى» زاڭنىڭ 47-بابىنىڭ 5-تارماعىن بۇزاتىنى، وعان سايكەس وليمپيادا، پاراليمپيادا جانە سۋردليمپيادا ويىندارىنىڭ چەمپيونى نەمەسە جۇلدەگەرى قايتىس بولعان جاعدايدا، تۇرعىن ءۇيدى تەگىن الۋ قۇقىعى ونىڭ مۇراگەرلەرىنە وتەتىنى اتاپ وتىلگەن. جوعارىدا ايتىلعاندارعا بايلانىستى سوت مەملەكەتتىك ورگاندى ونىمەن پاتەردى مەنشىگىنە وتەۋسىز بەرۋ تۋرالى شارت جاساسۋدى مىندەتتەي وتىرىپ، سپورتشىنىڭ اكەسىنىڭ قۇقىقتارىن قالپىنا كەلتىردى»، - دەلىنگەن حابارلامادا.
سوت شەشىمى زاڭدى كۇشىنە ەنگەن جوق.