قازاقستاندىق ستۋدەنتتەر قىتايداعى عىلىمي جارىستا ەكى التىن مەدال جەڭدى
الماتى. KAZINFORM - قىتايدا وتكەن حالىقارالىق عىلىمي جارىستا قازاقستاندىق ستۋدەنتتەر توپ جاردى.
ءال-فارابي اتىنداعى قازاقستان ۇ ۋ مالىمەتىنشە، ۋنيۆەرسيتەتتىڭ بيوتەحنولوگيا كافەدراسىندا ءبىلىم الاتىن ستۋدەنتتەر قىتايدا وتكەن The 2025 China Belt and Road International Undergraduate Medical Innovation Competition اتتى حالىقارالىق بايقاۋىنا قاتىسىپ، ەكى بىردەي التىن مەدالدى جەڭىپ الدى.
بەدەلدى جارىسقا الەمنىڭ 20 ەلىنەن 4000 نان استام ستۋدەنت قاتىسىپ، ۇزدىك عىلىمي جوبالارىن ۇسىنعان. قازاقستان اتىنان عىلىمي بايقاۋعا ءال-فارابي اتىنداعى قاز ۇ ۋ- دىڭ ەكى كومانداسى قاتىسقان.
ءبىرىنشى توپ قۇرامىندا كوماندا كاپيتانى تەمىرحان قازانباسوۆ، سونداي-اق ستۋدەنتتەر ميرا داۋلەت، چۋتين تاو، شۋي تسزي جانە امينا داۆلەتچاروۆا بولدى. كومانداعا بيولوگيا عىلىمدارىنىڭ كانديداتى، قاۋىمداستىرىلعان پروفەسسور ايدا قىستاۋبايەۆا جانە ق ح ر- دان شاقىرىلعان مامان - ۆەنيا حوۋ جەتەكشىلىك ەتتى.
ەكىنشى كوماندانىڭ مۇشەلەرى - تيمۋر كەرىموۆ، گۇلسايا اسقار ياوحۋەي پەن، حاو چەن بولدى. كوماندانى داميرا ەلتوكوۆا باسقارىپ، بيوتەحنولوگيا كافەدراسىنىڭ اعا وقىتۋشىسى، PhD دينا شوقاتايەۆا عىلىمي جەتەكشىلىك ەتتى.
- بۇل جەڭىس - ستۋدەنتتەردىڭ تاباندىلىعى مەن ەڭبەگىنىڭ، سونداي-اق ۇيلەسىمدى كوماندالىق جۇمىستىڭ ايقىن ناتيجەسى. ولار تەك بىلىمدەرىن عانا ەمەس، وزدەرىنىڭ بىرەگەي يدەيالارىن ۇسىنىپ، حالىقارالىق دەڭگەيدە وزىق جوبالار قاتارىنان كورىنە ءبىلدى، - دەپ حابارلادى ۋنيۆەرسيتتەن.
ەسكە سالايىق، بۇعان دەيىن قازاقستاننىڭ IT جوباسى حالىقارالىق بايقاۋدا جەڭىسكە جەتتى.
