قازاقستاندىق گريگوري لوماكين مىسىرداعى تۋرنيردىڭ شيرەك فينالىنا شىقتى

  قازاقستاندىق گريگوري لوماكين شارم- ەل- شەيح (مىسىر) ITF ءتۋرنيرىنىڭ شيرەك فينالىنا شىقتى، دەپ حابارلايدى Kazinform.

دۇنيەجۇزىلىك رەيتينگىدە 794- ورىندا تۇرعان گ. لوماكين ەكىنشى اينالىمدا الەمنىڭ 531- ءىنشى، جارىستىڭ 6-راكەتكاسى، ۋكراينالىق يۋريي دجاۆاكيانمەن شەبەرلىك بايقاستى.

ويىن اسا تارتىستى ءوتىپ، قازاقستاندىق تەننيسشى 7:6 (7:4) ، 3:6, 7:6 (8:6) ەسەبىمەن جەڭىستى جۇلىپ الدى.

گريگوري لوماكين جارتىلاي فينالعا شىعۋ ءۇشىن الەمنىڭ 793-راكەتكاسى، وڭتۇستىكافريكالىق الەك بەكليمەن تالاسادى.

ەسكە سالا كەتەيىك، بۇدان بۇرىن قازاقستاندىق تەننيسشىنىڭ مىسىرداعى تۋرنيردى جەڭىسپەن باستاعانىن جازعان بولاتىنبىز.