قازاقستاندىق كاراتەشىلەر ازيا چەمپيوناتىندا 9 التىن جەڭىپ الدى
الماتى. KAZINFORM - قازاقستان ۇلتتىق قۇراماسى بانگكوك قالاسىندا وتكەن ازيا چەمپيوناتىندا 9 التىنعا قول جەتكىزىپ، الەم چەمپيوناتىنا 10 جولداما يەلەندى.
تايلاند استاناسى بانگكوكتا 8-10-قاراشادا قازاقستان ۇلتتىق قۇراماسى قاتىسقان شينكيوكۋشينكاي كاراتەسىنەن 19-ازيا چەمپيوناتى ءوتتى. تۋرنيرگە بارلىعى 22 ەلدىڭ وكىلدەرى قاتىستى. قازاقستان ۇلتتىق قۇراماسى، 10 ماراپات جيىنتىعىنان 9 التىن، 1 كۇمىس جانە 8 قولا مەدالدى جەڭىپ الدى.
چەمپيونات قورىتىندىسى بويىنشا ءبىزدىڭ قۇراماعا 2025 -جىلى توكيودا (جاپونيا) وتەتىن الەم چەمپيوناتىنا قاتىسۋ ءۇشىن 10 ليسەنزيا بەرىلدى.
جالپى كوماندالىق ەسەپتە قازاقستان قۇراما كومانداسى تۇعىردىڭ ەڭ جوعارى ساتىسىنا جايعاستى. ال ەكىنشى ورىندا قىتاي قۇراماسى بولسا، تايلاند كومانداسى ءۇشىنشى ورىندى قاناعات تۇتتتى.
ەسكە سالا كەتەيىك، بۇعان دەيىن قازاقستاندىق جاس دويبىشى ءابسوليۋتتى الەم چەمپيونى اتانعانىن جازعان ەدىك.
