12:24, 25 - قىركۇيەك 2024 | GMT +6
قازاقستاندىق بەسسايىسشىلار U19 الەم چەمپيوناتىندا قولا مەدال جەڭىپ الدى
استانا. KAZINFORM - قازىرگى بەسسايىستان قازاقستان كومانداسىنىڭ وكىلدەرى ليەۆ چۋۆاشوۆ پەن دانيل بوگدانوۆ ليتۆادا ءوتىپ جاتقان U19 الەم چەمپيوناتىندا قولا مەدال الدى. بۇل تۋرالى ۇلتتىق وليمپيادالىق كوميتەتتىڭ باسپا ءسوز قىزمەتى حابارلادى.
سپورتشىلار ەرلەر اراسىنداعى ەستافەتادا كوزگە ءتۇستى. بوگدانوۆ پەن چۋۆاشوۆ 1410 ۇپايعا قول جەتكىزدى.
سپورتتىق باسەكەدە 1430 جيناعان مىسىر قۇراماسى توپ جارسا، 1430 ۇپاي العان چەحيا كومانداسى كۇمىس مەدال جەڭىپ الدى.
ەسكە سالساق، بۇعان دەيىن قازاقستاندىق تەننيسشى زارينا دياستىڭ قىتايداعى ءتۋرنيردىڭ نەگىزگى كەزەڭىنە جولداما العانىن حابارلاعان ەدىك.
