قازاقستاندا ىمداۋ تىلىنە ارنالعان ەلەكتروندىق سوزدىك ازىرلەندى
استانا. KAZINFORM - ەستۋ قابىلەتى بۇزىلعان بالالارعا ارنالعان ونلاين-ۆيدەو ىمداۋ ءتىلى سوزدىگى شىعادى. بۇل تۋرالى وقۋ-اعارتۋ مينيسترلىگى ءمالىم ەتتى.
بۇل سوزدىك - يشارالاردىڭ كورنەكى كورسەتىلىمدەرى مەن اۆتوماتتاندىرىلعان ىزدەۋ جۇيەسى بار ينتەراكتيۆتى اقپاراتتىق بازا.
- رەسۋرستى ورتالىقتىڭ رەسمي سايتىندا قازاق جانە ورىس تىلدەرىندە تەگىن جۇكتەپ الۋعا قولجەتىمدى. قولدانۋدىڭ قولايلىلىعىن ارتتىرۋ جانە قولجەتىمدىلىكتى كەڭەيتۋ ماقساتىندا سوزدىكتىڭ موبيلدى نۇسقاسىن ازىرلەۋ جۇمىستارى جۇرگىزىلىپ جاتىر. ونىڭ تانىستىرىلىمى 2025 -جىلعى رەسپۋبليكالىق تامىز كونفەرەنسياسى اياسىندا وتەدى، - دەلىنگەن ۆەدومستۆو حابارلاماسىندا.
سوزدىك وقۋ-اعارتۋ مينيسترلىگىنىڭ ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعى ەرەكشە ءبىلىم بەرۋ قاجەتتىلىكتەرى بار بالالارعا ارنالعان ءبىلىم بەرۋ سالاسىنداعى سيفرلىق شەشىمدەردى كەڭەيتۋ جۇمىستارى اياسىندا جۇزەگە اسىرىلىپ وتىر.
ەسكە سالا كەتەيىك، بۇعان دەيىن ەستۋ قابىلەتى زاقىمدالعان بالالارعا ارنالعان 36 وقۋلىق پەن وقۋ-ادىستەمەلىك كەشەن ازىرلەنگەنىن جازعان ەدىك.
قازاق عالىمى ەستۋ قابىلەتى ناشار بالالاردىڭ ءتىلىن شىعاراتىن ادىستەمە جاساپ شىعارعان ەدى.
