قازاقستاندا ىشىمدىككە قاي ءوڭىر تۇرعىندارى اۋەس ەكەنى بەلگىلى بولدى

استانا. KAZINFORM – قازاقستاندا ىشىمدىككە قاي ءوڭىر اۋەس ەكەنى بەلگىلى بولدى، - دەپ حابارلايدى energyprom.kz سايتى.

ۇلتتىق ستاتيستيكا بيۋروسىنىڭ مالىمەتىنشە، بيىل ەكىنشى توقسانداعى ناتيجە بويىنشا، شىعىس قازاقستان وبلىسىنىڭ تۇرعىندارى ىشىمدىك كوپ ىشەتىن بولىپ شىققان. ۇشتىكتە - پاۆلودار وبلىسى جانە الماتى قالاسى.

ال ىشىمدىك از ىشەتىن - قىزىلوردالىقتار، اقتوبەلىكتەر مەن ماڭعىستاۋلىقتار بولىپ شىققان.

تامىزداعى دەرەكتەر بويىنشا، ايلىق ديناميكا بويىنشا ىشىمدىك 0,4 پايىزعا، ال ءبىر جىلدا 9,3 پايىزعا قىمباتتاعان.

مىسالى شاراپ 0,8 پايىزعا، سىرا 0,5 پايىزعا قىمباتتاسا، اراق 0,2 پايىزعا ارزانداعان. ال جىلدىق دەرەكتەر بويىنشا، شاراپ 9,9 پايىزعا، سىرا 14,4 پايىزعا، ال اراق 3,6 پايىز قىمباتتاعان.