قازاقستاندا وڭتۇستىككورەيالىق كولىكتەردىڭ بولشەكتەرى وندىرىلەدى
استانا. KAZINFORM - پرەزيدەنت قاسىم-جومارت توقايەۆ قازاقستان-كورەي بيزنەس فورۋمىندا Kia كومپانياسىنا قازاقستاندى ءوز زاۋىتىن سالاتىن العاشقى ەل رەتىندە تاڭداعانى ءۇشىن العىس ايتتى.
«اۆتوموبيل قۇراستىرۋ سالاسىندا ءوزارا ءتيىمدى ونەركاسىپ كووپەراتسياسى قالىپتاستى. قازىردىڭ وزىندە قازاقستاندا Hyundai ماركالى اۆتوموبيلدەر تابىستى قۇراستىرىلىپ جاتىر. كەلەسى جىلى ينۆەستيتسيا كولەمى 200 ميلليون دوللار بولاتىن، تولىق تىزبەكتى Kia زاۋىتىنىڭ ىسكە قوسىلعانىن كۇتىپ وتىرمىز. بۇل كومپانيا ءوز تاريحىندا العاش رەت وڭتۇستىك كورەيادان تىس اۋماقتا زاۋىت سالۋعا اقشا سالىپ وتىرعانىن، ول ءۇشىن ءدال قازاقستاندى تاڭداعانىن ايتۋ كەرەك. ءبىز بۇعان رازىمىز»، — دەدى مەملەكەت باسىشسى.
قاسىم-جومارت توقايەۆ قازاقستاندا وڭتۇستىككورەيالىق كولىكتەردىڭ بولشەكتەرى وندىرىلە باستايتىنىن اتاپ ءوتتى.
«Sejong, EHWA، Yongsan, Motrex اۆتوموبيل ونەركاسىبىن دامىتۋدىڭ كەزەكتى ساتىسىنا كىرىسىپ، قازاقستاندا اۆتوبولشەكتەر ءوندىرىسىنىڭ كلاستەرىن قۇرۋدى جوسپارلاپ وتىر»، - دەدى پرەزيدەنت.
