قازاقستاندا تۋىپ، وزگە ەلدە چەمپيون بولعان سپورتشىلار

چەمپيوندار
فوتو اشىق دەرەككوزدەن

 قازاق توپىراعىندا دۇنيەگە كەلىپ، كەيىن ءوزىنىڭ تاريحي وتانىنا ورالعان سپورتشىلار كوپ. ولاردىڭ كوبىنىڭ بالالىق شاعى قازاقستاندا وتكەن. كەيىن ولار اۋەسقوي سپورتتا ناتيجەلى تابىسقا جەتىپ، ءبىرقاتارى وليمپيادا ويىندارى مەن الەم چەمپيوناتتارىندا جوعارى ناتيجەگە قول جەتكىزدى. وسى رەتتە 1bol.kz قازاقستاندا تۋىپ، وزگە ەلدە جارقىراعان سپورتشىلارعا شولۋ جاساعان. 

ش ق و- نىڭ شەمونايحا اۋدانىنا قاراستى ۋبينكا اۋىلىندا دۇنيەگە كەلگەن نادەجدا تورلوۆا ستۋدەنتتىك شاعى اياقتالعانشا قازاقستاندا تۇرعان. كەيىن تۇرمىسقا شىققان سوڭ، رەسەيگە قونىس اۋداردى. ونىڭ بوكستاعى جولى بالاسى ءبىرىنشى سىنىپقا بارعاندا باستالعان. باستاپقىدا سەكسياعا بالاسى ءۇشىن قاتىسقان انا ارادا جارتى جىل وتكەندە قالالىق بىرىنشىلىكتە توپ جارىپ، كەيىن ايماقتىق، ارادا ءبىر جىل وتكەندە ر ف چەمپيوناتىندا جەڭىمپاز اتاندى. ايەلدەر بوكسىنان الەم، ەۋروپا چەمپيون اتانعان سپورتشى 2012 -جىلى لوندوندا 75 كەلىدە كۇمىس جۇلگەدە يە بولعان.

نادەجدا
1bol.kz

نادەجدا تورلوۆا

ءازىربايجان قۇراماسىنداعى دزيۋدوشى حيدايات گەيداروۆ قاراعاندى قالاسىنىڭ تۋماسى. ەس بىلمەي تۇرىپ تۋعان جەرىنە تۋىن تىككەن ونىڭ اتا- اناسى ۇلدارىن دزيۋدوعا بەرگەن. اتالعان سپورتتان الەم چەمپيوناتتارىنان ءۇش رەت قولا جۇلدە يەلەنگەن حيدايات ەۋروپا بىرىنشىلىگىن ەكى رەت ۇتىپ، ءبىر مارتە كۇمىس جۇلدەگەر اتانىپ ۇلگەردى. جاس سپورتشى وتكەن جىلى يسلام ىنتىماقتاستىعى ويىندارىندا دا توپ جارعان.

گەيداروۆ
1bol.kz

حيدايات گەيداروۆ

تالدىقورعان قالاسىندا تۋىپ، 15 جاسىندا كراسنودارعا قونىس اۋدارعان سەرگەي ۆودوپيانوۆ جەتىسۋ جەرىندەگى سىنىپتاستارىمەن ءالى كۇنگە ارالاساتىن كورىنەدى. 2002 -جىلى رەسەيگە كەتكەن جاس ءوسپىرىم بوكس الىپپەسىن تالدىقورعاندا ۇيرەنگەن. 2007 -جىلى ر ف چەمپيونى اتانعان ول سول جىلى چيكاگودا وتكەن ءا چ-دا توپ جاردى. اراعا ەكى جىل سالىپ، ميلانداعى الەم بىرىنشىلىگىندە كۇمىس مەدال جەڭىپ الدى.

سەرگەي
1bol.kz

سەرگەي ۆودوپيانوۆ

اتا-اناسى كەڭەس زامانىندا اسكەري قىزمەتتە ءجۇرىپ سەمەيگە كەلگەندە دۇنيەگە كەلگەن ۋكراينالىق بوكسشى ۆلاديمير كليچكونىڭ كۇللى الەم ءبىر كەزدەرى ونەرىن تامسانا تاماشالادى. ءبىر سۇحباتىندا بوكسشى ورتالىق ازيانىڭ وزدەرى ءۇشىن قاتتى ىستىق ەكەنىن اتادى. سەبەبى، ونىڭ اعاسى ۆيتالي قىرعىزستاندا دۇنيەگە كەلگەن.

كليچكو
1bol.kz

ۆلاديمير كليچكو

بۇلارمەن بىرگە قوس قانداسىمىز ايدىن سماعۇلوۆ پەن نۇرحان سۇلەيمەنوۆتى دە اتاۋعا بولادى. ايدىن سپورتتىق ازاماتتىق الىپ، قىرعىزستان اتىنان سيدنەي وليمپياداسىندا كۇرەسىپ، قولا جۇلدەگەر اتانعان. ول ەگەمەن قىرعىز ەلىنىڭ تاريحىندا وليمپيادا جۇلدەسىن يەلەنگەن العاشقى سپورتشى رەتىندە تاريحتا قالدى.

ايدىن
1bol.kz

ايدىن سماعۇلوۆ (وڭ جاقتان ءبىرىنشى)

ال شىمكەنتتە تۋىپ، توقسانىنشى جىلدار باسىندا تۇركياعا كەتكەن نۇرحان سۇلەيمەنوۆ بوكستان الەم چەمپيوناتىنىڭ كۇمىس جۇلدەگەرى، ەۋروپا چەمپيوى اتانعان. انادولى ەلىنەن ەكى وليمپياداعا بارعان سۇلەيمەنوۆ كەيىن سول ەلدە قالدى.

نۇرحان
1bol.kz

نۇرحان سۇلەيمەنوۆ

قوستانايلىق ۆيتالي دۋنايسيەۆتىڭ رەسەيدە ءجۇرىپ الەم چەمپيونى اتاناتىنىنا اكەسى قاتتى سەنگەن كورىنەدى. ەكى مىڭىڭشى جىلدارى كورشى ەلگە كوشكەن اتا-اناسى بالاسىن بوكسقا جاستايىنان بەرگەن. ۆيتيا 2015 -جىلى دوحادا الەم چەمپيونى اتانعانىمەن، ريودا قولا جۇلدەنى قاناعات تۇتتى.

ۆيتالي دۋنايتسيەۆ
1bol.kz

ۆيتالي دۋنايسيەۆ

ۇزاق جىلدار بويى رەسەي دزيۋدو قۇراماسىنىڭ مۇشەسى بولعان يۆان نيفونتوۆ پاۆلودار وبلىسىنىڭ تۋماسى. ەس بىلگەن شاعىندا عانا بارناۋلداعى تۋىستارىن ساعالاپ كوشىپ كەتكەن ول، پاۆلوداردى ءارقاشان ۇمىتپايتىنىن بۇعان دەيىن بىرنەشە ايتقان.

دزيۋدوعا وقۋشى شاعىندا اياق باسقان ول ەسەيگەن شاعىندا ۇزدىك ناتيجەلەرگە قول جەتكىزدى. ماسەلەن، 2009 -جىلى نيدەرلاندتا وتكەن الەم چەمپيوناتىندا توپ جارسا، تۇماندى البيوندا وتكەن ويىنداردا قولا جۇلدەگە قول جەتكىزدى.

يۆان
1bol.kz

 

سوڭعى جاڭالىقتار