قازاقستاندا تۇرمەدەگى تۇتقىندار سانى 7 مىڭعا ارتتى
استانا. KAZINFORM - قازاقستاندا 78 قىلمىستىق-اتقارۋ جۇيەسى مەكەمەسى جۇمىس ىستەپ تۇر. بۇل تۋرالى ق ر ءى ءى م قىلمىستىق-اتقارۋ جۇيەسى كوميتەتىنىڭ ءتوراعاسى تەڭىزجان جانىبەكوۆ ايتىپ بەردى.
«سوڭعى 4 جىلدا تۇرمەدەگى ادامداردىڭ سانى 7 مىڭعا جۋىق ءوستى. بۇل بوتەننىڭ مۇلكىن ۇرلاۋ، وتباسىلىق-تۇرمىستىق زورلىق-زومبىلىق، مال ۇرلىعى جانە جول-كولىك وقيعالارى سالاسىنداعى زاڭنامانىڭ قاتاڭداتىلۋىنا بايلانىستى»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، ەلىمىزدە 78 قىلمىستىق-اتقارۋ جۇيەسى مەكەمەسىندە 37 مىڭنان استام سوتتالعان جازاسىن وتەپ جاتىر. ونىڭ ىشىندە 3 مىڭعا جۋىعى ايەلدەر جانە 50 دەن استام كامەلەتكە تولماعاندار بار. اتاپ وتەرلىگى، 37 مىڭ تۇتقىننىڭ %93 اۋىر جانە اسا اۋىر قىلمىستار ءۇشىن سوتتالعان ادامدار. بۇل رەتتە سوتتالعانداردىڭ %45 بۇرىن قاساقانا قىلمىس جاساعانى ءۇشىن سوتتالعان ادامدار.
«ق ا ج ك قوعامنىڭ ەڭ كۇردەلى ساناتىمەن جۇمىس ىستەپ جاتىر. وسىعان قاراماستان، جالپى مەكەمەلەردە جەدەل جاعداي تۇراقتى جانە باقىلاۋدا. قاماۋداعى ءار اداممەن پسيحولوگتار مەن مەكەمەدەگى ءارتۇرلى قىزمەتتەر كەشەندى جۇمىس جۇرگىزەدى»، - دەدى ت. جانىبەكوۆ.
