قازاقستاندا ەر مەن ايەل اراسىنداعى جالاقى ايىرماشىلىعى كوپ ەلدەردەن جوعارى

استانا. KAZINFORM - ەكونوميكالىق ىنتىماقتاستىق جانە دامۋ ۇيىمى (ە ى د ۇ) ەرلەر مەن ايەلدەر جالاقىسىنىڭ ەڭ تومەنگى ايىرماشىلىعى ساقتالاتىن 10 ەلدى اتادى. قازاقستاننىڭ كورسەتكىشتەرى ە ى د ۇ ەلدەرىنە قاراعاندا الدەقايدا جوعارى.

وسىلايشا 2022 جىلدىڭ قورىتىندىسىندا ەرلەر مەن ايەلدەردىڭ ەڭ تومەنگى جالاقى ايىرماشىلىعى بويىنشا نورۆەگيا، بەلگيا جانە كوستا-ريكا كوش باستاپ تۇر.

10 ەلدىڭ تولىق ءتىزىمى:

* نورۆەگيا (ايىرماشىلىق 0,4 پايىز)؛

* بەلگيا (1,1 پايىز)؛

* كوستا-ريكا (1,4 پايىز)؛

* كولۋمبيا (1,9 پايىز)؛

* يرلانديا (2 پايىز)؛

* حورۆاتيا (3,2 پايىز)؛

* يتاليا (3,3 پايىز)؛

* نورۆەگيا (4,5 پايىز)؛

* دانيا (5,8 پايىز)؛

* پورتۋگاليا (6,1 پايىز).

ە ى د ۇ ەلدەرى بويىنشا ورتاشا كورسەتكىش 11,6 پايىز قۇراعان.

ۇلتتىق ستاتيستيكا بيۋروسىنىڭ مالىمەتىنشە، 2022-جىلى قازاقستاندا ەرلەر مەن ايەلدەردىڭ جالاقىسىنداعى ايىرماشىلىق 25,2 پايىزعا دەيىن جەتكەن.

ەرلەردىڭ ورتاشا ايلىعى - 355296 تەڭگە، ايەلدەردە - 265762 تەڭگە بولعان.

اسىرەسە، جالاقىنىڭ ەڭ ۇلكەن ايىرماشىلىعى ماڭعىستاۋ (50 پايىز)، اتىراۋ (46,2 پايىز) جانە ۇلىتاۋ (40,5 پايىز) وبلىستارىندا بايقالادى.

بارلىق ءۇش ايماقتا ەر ادامدار كوبىرەك اقشا تابادى.

الايدا، ايەلدەردىڭ ورتاشا جالاقىسى 3,1 پايىزعا جوعارى ءبىر ايماق بار.

بۇل - جەتىسۋ وبلىسى.

وندا ايەلدەردىڭ اي سايىنعى جالاقىسى - 232907 تەڭگە، ەرلەردە – 225983 تەڭگە.