قازاقستاندا قارتايۋ يندەكسى وزگەردى

استانا. قازاقپارات - 2024-جىلى قازاقستاندا قارتايۋ يندەكسى 31,1 بولىپ وزگەرگەن، بۇل وتكەن جىلمەن سالىستىرعاندا 1,6 پايىزدىق تارماققا جوعارى (2023-جىلى 29,5). بۇل تۋرالى ۇلتتىق ستاتيستيكا بيۋروسى ءمالىم ەتتى.

ۇلتتىق ستاتيستيكا بيۋروسىنىڭ مالىمەتىنە ساي، 0 مەن 15 جاس ارالىعىنداعى ءاربىر 100 بالاعا 65 جاستان اسقان 31,1 قاريادان كەلەدى.

- ال، وڭىرلەردە ەڭ جوعارى دەڭگەي سولتۇستىك قازاقستان وبلىسىندا تىركەلگەن - 78,1، ودان كەيىن شىعىس قازاقستان (76) جانە قوستاناي وبلىستارى (66,4). قارتايۋ يندەكسىنىڭ ەڭ تومەنگى كورسەتكىشى ماڭعىستاۋ وبلىسىندا، وندا 100 بالاعا 65 جاستان اسقان 15,2 قارتتان كەلەدى، - دەلىنگەن حابارلامادا.

ەڭ تومەن كورسەتكىش تۇركىستان وبلىسىندا (15,9) سونداي-اق شىمكەنت قالاسىندا (16,1) تىركەلگەن. ايتا كەتەيىك، قالالىق جەرلەردە قارتايۋ يندەكسى اۋىلدىق جەرلەرگە قاراعاندا جوعارى - تيىسىنشە 33,4 جانە 27,5.

- قارتايۋ يندەكسى - 100 بالاعا شاققاندا ەگدە جاستاعى ادامدار سانىن سيپاتتايتىن حالىقتىڭ جاس قۇرامىنىڭ كورسەتكىشى. ول 65 جاستان اسقان حالىق سانىنىڭ 0-14 جاس ارالىعىنداعى حالىق سانىنا قاتىناسى رەتىندە ەسەپتەلەدى، - دەپ حابارلادى بيۋرودان.

بۇعان دەيىن حابارلانعانداي، 5 جىلدا ەلىمىزدە اجىراسۋ سانى 7,5 مىڭعا تومەندەدى.