قازاقستاندا قانشا پايىز حالىقتىڭ 2024-جىلعا كوڭىلى تولمايدى

استانا. KAZINFORM - جاڭا جىل قارساڭىندا كوپتەگەن ادام وتكەن جىلعا باعا بەرىپ، كەلەر جىلعا جوسپار قۇرادى. ق س ز ي ارنايى ساۋالناما جۇرگىزىپ، ەل ازاماتتارىنىڭ وسى جىلعا دەگەن كوزقاراسىن انىقتادى.

ساراپشىلار جۇرگىزگەن زەرتتەۋدە ازاماتتارىنىڭ وتكەن جىلدىڭ قورىتىندىسى تۋرالى پىكىرى ەكى اۋقىمدا - جەكە جانە ەل دەڭگەيىندە سارالانعان.

«جەكە دەڭگەيدە بىلدىرگەن پىكىرىندە قازاقستاندىقتاردىڭ تورتتەن ءبىر بولىگى (25,1 پايىز) ءوتىپ بارا جاتقان جىل «وتە تابىستى» بولدى دەگەن. ازاماتتارىمىزدىڭ تەڭ جارتىسى ءۇشىن (52,3 پايىز) جىل «جالپى جاقسى» بولعان. 13,4 پايىزى «وتە قيىن»، ال 7,3 پايىزى ءۇشىن «جامان، وتە قيىن» دەپ باعا بەرگەن»، - دەيدى ق س ز ي باس عىلىمي قىزمەتكەرى ايگۇل زابيروۆا.

ساراپشىنىڭ ايتۋىنشا، جاستار جاقسى باعا بەرسە، اعا بۋىن كوبىنەسە بيىل قيىن جىل دەپ بولدى دەپ سانايتىنىن ايتقان. سونداي-اق جوعارى ءبىلىمى بارلار جوعارى ءبىلىمى جوق ادامدارعا قاراعاندا جوعارىراق باعا بەرگەن.

ال تەلەفون ارقىلى ساۋالناماعا قاتىسقان 1200 رەسپوندەنتتىڭ 39,3 پايىزى جىل ءوزى بولجاعانداي بولعانىن ايتقان.

ەل دەڭگەيىندەگى جىل قورىتىندىسى تۋرالى پىكىرلەرگە كەلسەك، حالىقتىڭ جارتىسى (48 پايىز) وڭ باعا بەرگەن، ەكىنشى بولىگى كوڭىلى تولمايتىنىن جەتكىزگەن.

ايتا كەتەيىك، بۇعان دەيىن اتالعان ينستيتۋت ارنايى ساۋالناما جۇرگىزىپ، قازاقستان حالقى نە نارسەنى ەڭ نەگىزگى قۇندىلىق دەپ تانيتىنىن انىقتاعان ەدى.